زرداری شہبازملاقات کےبعداختلافات ختم،پیپلزپارٹی کابجٹ حمایت کااعلان

بجٹ2024-25:مہنگائی کی شرح 12فیصد ،7ہزار800ارب کے ان ڈائریکٹ ٹیکس لگیں گے

ویب ڈیسک:آئندہ مالی سال کیلئے اہم معاشی اہداف کی تفصیلات پبلک نیوز کو موصول ہوگئی۔

تفصیلات کے مطابق مہنگائی میں کمی، اقتصادی ترقی، سرمایہ کاری، قومی بچتوں، فی کس آمدنی میں اضافے کاتخمینہ۔

دستاویز کے مطابق آئندہ مالی سال کیلئے اقتصادی ترقی کا ہدف 3.6فیصدمقرر کرنے کی تجویز ہے اور زرعی شعبے کی ترقی کا ہدف 2فیصد، صنعتی ترقی کا ہدف4.4فیصد مقررکرنیکی تجویز جبکہ آئندہ مالی سال کے لئے سروس سیکٹر کی ترقی کا ہدف 4.1فیصد مقرر کرنے کی تجویز ہے۔

دستاویز میں کہا گیا ہے کہ اہم فصلوں کی پیداوار کا ہدف منفی چارفیصدم چھوٹی فصلوں کی پیداوار4.3فیصد تجویز اور کپاس کا پیداواری ہدف منفی2.3فیصد، لائیوسٹاک 3.8فیصد رکھے جانے کی تجویز ہے جبکہ ماہی گیری کا ہدف3.2فیصد، جنگلات کا ہدف 3.1فیصد رکھے جانے کا ہدف ہے۔

دستاویز کے مطابق مائننگ 5فیصد، بڑی صنعتی شعبے کا ہدف3.5فیصد، چھوٹی صنعتوں کا ہدف8.2فیصد رکھنے کا ہدف ہے اور سلاٹرنگ کا ہدف3.8فیصد، بجلی کی پیداوار، گیس ڈسٹری بیوشن کا ہدف 5.5فیصد مقرر ہے جبکہ تعمیراتی ترقی کا ہدف5.5فیصد، ہول سیل اینڈ ریٹیل ٹریڈ4.1فیصد مقرر کرنے کا ہدف ہے۔

دستاویز میں کہا گیا ہے کہ ٹرانسپورٹ، سٹوریج اینڈ کمیونیکیشنز کا ہدف3.3فیصد۔ ہوٹلز، ریسٹورنٹس4.1فیصد مقرر اور رئیل اسٹیٹ 3.7فیصد، پبلک ایڈمنسٹریشن اینڈ سوشل سکیورٹی 3.4فیصد کاہدف مقرر جبکہ تعلیمی ترقی کا ہدف3.5فیصد، صحت اور سماجی امور کی سرگرمیوں کا ہدف 3.2فیصد مقرر ہے۔

دستاویز کے  مطابق آئندہ مالی سال کے دوران مہنگائی کی شرح بارہ فیصد رہنے کا تخمینہ ہے اور ان ڈائریکٹ ٹیکسز کی مد میں سات ہزار سات سو ننانوے ارب روپےحاصل ہونے کا تخمینہ جبکہ آئندہ مالی سال بیرونی ذرائع سے 23ارب ڈالر حاصل کرنے کا ہدف مقرر کرنے کی تجویز ہے۔

دستاویز میں کہا گیا ہے کہ مجموعی سرمایہ کاری کا جی ڈی پی میں تناسب 14 اعشاریہ دو فیصد مقرر کرنے کی تجویز ہے اور  جی ڈی پی میں فکسڈ انویسٹمنٹ کا تناسب بارہ اعشاریہ پانچ فیصد مقرر کرنے کا تخمینہ اور جی ڈی پی میں قومی بچتوں کا تناسب تیرہ اعشاریہ تین فیصد مقرر کرنے کی تجویز ہے جبکہ فی کس امدنی پانچ لاکھ تینتالیس ہزار نو سو سڑسٹھ روپے مقرر کرنے کا تخمینہ ہے۔

بجٹ2024-25:سیلز ٹیکس میں اضافےسے اشیائے ضروریہ مہنگی!

ویب ڈیسک:آئندہ مالی سال کے بجٹ میں سیلز ٹیکس میں اضافہ متوقع ہے جس کے پیش نظر چینی، گھی، چائے کی پتی، ادویات، ملبوسات، الیکٹرونکس مصنوعات، موبائل فونز، ہوم اپلائنسز، درآمدی اشیاء اور میک اَپ کا سامان سمیت سیکڑوں اشیاء مہنگی ہونے کا امکان ہے۔

تفصیلات کے مطابق سیلز ٹیکس کی معیاری شرح میں اضافے کی صورت میں چینی، گھی، چائے کی پتی، نوڈلز، جام جیلی اور میک اَپ کے سامان سمیت سیکڑوں اشیاء مہنگی ہونے کا امکان ہے۔

ذرائع کے مطابق سیلز ٹیکس کے چھٹے شیڈول میں شامل بڑی تعداد میں اشیاء پر سیلز ٹیکس کی چھوٹ بھی ختم کی جا رہی ہے جس سے بیشتر اشیاء مہنگی ہونے کا امکان ہے۔

ذرائع ایف بی آر کے مطابق آئندہ بجٹ میں 2 ہزار ارب روپے اضافی ریونیو حاصل کرنے کیلیے نئے ٹیکسز لگانے، سیلز ٹیکس استثنیٰ ختم کرنے کی تجویز ہے۔ 7 ہزار اشیا پر اضافی سیلز ٹیکس عائد کرنے کی تجویز ہے، جس کے نتیجے میں چینی، چاول، دالیں، دودھ، آٹا، چائے کی پتی، تیل، گھی، بچوں کے ڈائپر سمیت ضرورت زندگی کی ہر چیز مہنگی ہونے کا امکان ہے۔

آئندہ بجٹ میں ڈبے میں بند دودھ پر سیلز ٹیکس لگانے کا امکان ہے۔ سیلز ٹیکس استثنیٰ ختم کرنے سے تقریباً 550 ارب روپے اضافی آمدن کا امکان ہے جب کہ اضافی ٹیکس ہدف پورا کرنے کیلیے سیلز ٹیکس شرح مزید ایک فیصد بڑھانے کا بھی امکان ظاہر کیا گیا ہے۔

ذرائع کا کہنا ہے کہ چینی پر سیلز ٹیکس 18 سے 19 فیصد ہونے سے چینی فی کلو 5 روپے تک مہنگی ہونے کا امکان ہے۔ ایک فیصد سیلز ٹیکس بڑھنے سے گھی 5 سے 7 روپے کلو مہنگا، خوردنی تیل بھی 5 سے 7 روپے لیٹر مہنگا، صابن 2 سے 5، شیمپو 15 سے 20 روپے تک مہنگا ہونے کا امکان ہے۔

اسی طرح ایک فیصد سیلز ٹیکس بڑھنے سے ٹوتھ پیسٹ کی قیمت میں 5 سے 7 روپے اضافہ، ٹوتھ برش 5 سے 7 روپے مہنگا، پالش 3 سے 5 روپے اضافے کا امکان ہے۔

سیلز ٹیکس 18 سے 19 فیصد کیے جانے کے بعد مشروبات کی فی لیٹر بوتل 5 سے 7 روپے مہنگی ہونے، لال شربت بھی 5 سے 7، کاربونیٹڈ ڈرنکس بھی 5 سے 7 اور شربت پاؤڈر 5 سے 7 روپے پیکٹ، باتھ روم دھونے کی لیکوڈ بوتل 10 سے 15 روپے مہنگی ہونے کا امکان ہے۔

ایک فیصد سیلز ٹیکس میں اضافہ دہی کو بھی 7 سے 10 روپے مہنگا، پاؤڈر دودھ کو 20 سے 30 روپے فی پیکٹ مہنگا، ’فیٹ ملک‘ 5 سے 7 روپے لیٹر مہنگا کرسکتا ہے۔

اس کے علاوہ الیکٹرانکس، میک اپ، بال رنگنے والی اشیا، کپڑے، مختلف برانڈز کے ملبوسات، چمڑے کی مصنوعات میں بھی اضافہ ہوگا۔

مسالہ جات کے درجنوں آئٹمز مہنگے ہوں گے جب کہ چائے اور قہوہ سمیت درجنوں برانڈ کے بیکنگ آئٹمز، نوڈلز، اسپگیٹی، پاستہ مصنوعات، بچوں کے ناشتے کے درجنوں سیریلز، دلیہ، جام جیلی، مارملیڈ، ٹشو، پیپر نیپ کن، بچوں کے ڈائپر بھی مہنگے ہو سکتے ہیں۔

ذرائع کا کہنا ہے کہ ایک فیصد ٹیکس کے بڑھنے سے برتنوں کی سینکڑوں اشیا مہنگی ہونے کا امکان ہے جب کہ لوشن، کریم، مصنوعی زیورات، پرفیوم، باڈی اسپرے، کیمرہ، اسمارٹ واچ اور گھڑیاں بھی مزید مہنگی ہو سکتی ہیں۔ 

اس کے علاوہ رعایتی ٹیکس و ڈیوٹی کی سہولت بھی واپس لی جا رہی ہے جس سے درآمدی اشیاء مہنگی ہونے کا امکان ہے۔

بجلی بچاؤمہم،جدید پنکھے100روپےقسط پر،حکومت نےبڑاقدم اُٹھالیا

ویب ڈیسک: وفاقی حکومت نے توانائی بچاؤ مہم کے تحت انرجی سیور کے بعد ملک بھر کے غیر معیاری اور زیادہ بجلی استعمال کرنے والے پنکھے تبدیل کرنے کا فیصلہ کیا ہے۔

تفصیلات کے مطابق نیشنل انرجی ایفیشنی اینڈ کنزرویشن اتھارٹی نے جامع اسکیم تیار کر لی ہے، اسکیم کے تحت پہلے مرحلے میں آٹھ کروڑ 80 لاکھ پرانے پنکھے بدلے جائیں گے،صارفین کو ماہانہ آسان اقساط میں معیاری اور کم بجلی استعمال والے پنکھے دیے جائیں گے جن کی قیمت پندرہ سو روپے مقرر ہوگی۔ اسکیم کا اعلان بجٹ میں کیا جائے گا۔

صارفین سے رقم بلوں میں اقساط کی صورت میں وصول کی جائے گی۔ منصوبے سے پانچ ہزار میگا واٹ بجلی کی بچت ہو گی۔

ذرائع پاور ڈویژن کے مطابق اسٹیٹ بینک کی رسک گارنٹی پر بینکوں نے فنانسنگ پر آمادگی ظاہر کر دی۔ بینک پنکھوں کی تبدیلی کے لیے پندرہ سوارب روپے کا قرض دیںگے۔

سندھ کے آئندہ مالی سال کا بجٹ 14 جون کو پیش کیا جائے گا

ویب ڈیسک: سندھ کابینہ کا اجلاس 14 جون کو طلب کر لیا گیا،اجلاس میں بجٹ کی منظوری دی جائے گی۔

تفصیلات کے مطابق سندھ کا بجٹ 14 جون کو سہہ پہر 3 بجے پیش ہوگا، وزیر اعلیٰ مراد علی شاہ سندھ کے آئندہ مالی سال کا بجٹ پیش کریں گے۔

ذرائع کے مطابق سندھ کابینہ کا اجلاس 14 جون کو صبح 9 بجے طلب کیا گیا ہے۔نئے مالی سال کے بجٹ کا مجموعی حجم ساڑھے 23 کھرب سے زائد کا ہوگا۔سالانہ ترقیاتی پروگرام 430 ارب سے زائد رکھنے کی تجویز شامل ہے,ضلعی ترقیاتی پروگرام ڈسٹرکٹ اے ڈی پی، 30ارب روپے سے زائد کی ہوگی.

نئے مالی سال کے بجٹ میں سرکاری ملازمین کی تنخواہوں میں 15 سے 20 فیصد اضافہ کی تجویز بھی شامل ہے۔کم سے کم اجرت 35 ہزار مقرر کرنے کی تجویز ہے۔نئے مالی سال کے بجٹ میں 50 ہزار سے زائد نئی بھرتیوں کا بھی اعلان کیا جائے گا۔

پہلے مرحلے میں 200 گھروں کو سولر سسٹم دینے کی تجویز دی گئی جبکہ نئے مالی سال میں جاری ترقیاتی منصوبے مکمل کرنے اور نئے منصوبے کم سے کم شروع کرنے کی تجویز ہے اور تعلیم، صحت، امن امان، موسمیاتی تبدیلی سمیت دیگر اہم شعبوں کو بجٹ میں اہمیت دی گئی ہے۔

بجٹ2024-25: 7 ہزار اشیا پر جی ایس ٹی کی چھوٹ ختم کرنے کا فیصلہ

ویب ڈیسک: وفاقی حکومت نے بجٹ میں 7 ہزار اشیا پر جی ایس ٹی کی چھوٹ ختم کرنے کا فیصلہ کیا ہے۔

 تفصیلات کے مطابق وفاقی حکومت نے آئندہ مالی سال 2024-25کے وفاقی بجٹ میں بڑے پیمانے پر ٹیکسوں میں دی جانے والی چھوٹ ختم کرنے کا فیصلہ کیا ہے جس کے تحت 7ہزار کے لگ بھگ اشیاء پر جی ایس ٹی کی چھوٹ ختم کرنے اور اسی طرح انکم ٹیکس اور کسٹمز ڈیوٹی میں چھوٹ و رعایات بھی ختم کی جارہی ہیں۔ٹیکسوں میں دی جانے والی چھوٹ کے حجم میں کمی کی جائے گی۔

منگل کے روز جاری کئے جانے والے قومی اقتصادی سروے 2024-25 میں ٹیکسوں میں دی جانے والی چھوٹ کے بارے میں اہم انکشافات سامنے آئے ہیں۔

سروے میں بتایا گیا ہے کہ رواں مالی سال3ہزار979 ارب روپے کی ٹیکس چھوٹ دی گئی، یہ چھوٹ انکم ٹیکس، سیلز ٹیکس، کسٹمز ڈیوٹی کی مد میں دی گئی ہے۔

سیلزٹیکس کی مدمیں 2ہزار858ارب اور کسٹمز ڈیوٹی کے تحت 543ارب 52 کروڑکی ٹیکس چھوٹ دیے جانے کا انکشاف ہوا ہے۔

سالانہ ٹیکس چھوٹ 3 ہزار900 ارب روپے کی ریکارڈ سطح پر پہنچ گئی

ویب ڈیسک: سالانہ ٹیکس چھوٹ کی مالیت 3 ہزار900 ارب روپے کی بلند ترین سطح پر پہنچ گئی، جو گذشتہ برس کے مقابلہ میں 73 زیادہ ہے جو آئی ایم ایف کے ساتھ جاری مذاکرات میں ایک متنازع مسئلہ بنی ہوئی ہے.

اکنامک سروے کے مطابق رواں مالی سال کے دوران مختلف مدات میں ٹیکسوں میں دی گئی چھوٹ کی وجہ سے قومی خزانے کو 39 سو ارب روپے کا نقصان ہوا ہے۔

اکنامک سروے کے مطابق پیٹرولیم مصنوعات پر 18 فیصد جی ایس ٹی سے استثنیٰ 1.34 ٹریلین ارب روپے بنتا ہے، لیکن حکومت نے 60 روپے فی لیٹر پیٹرولیم لیوی لگا کرصرف 1 ہزار ارب روپے ہی وصول کیے ہیں، سیلز ٹیکس کی مد میں دی گئی چھوٹ میں 121 فیصد اضافہ دیکھا گیا ہے، جو 1.3 ہزار ارب روپے سے بڑھ کر 2.9 ہزار ارب روپے ہوگئی ہے۔

سیلز ٹیکس ایکٹ کے ففتھ شیڈول کے تحت آنے والی مصنوعات پر دی گئی ٹیکس چھوٹ 206 ارب روپے ہے، جو کہ گزشتہ سال 140 ارب روپے رہی تھی، سکستھ شیڈول کے تحت 676 ارب روپے کی ٹیکس چھوٹ دی گئی ہے۔

موبائل فونز کی فروخت پر 33 ارب روپے کی چھوٹ دی گئی ہے، اکنامک سروے کے مطابق انکم ٹیکس کی مد میں 477 ارب روپے کی ٹیکس چھوٹ دی گئی ہے، جو گزشتہ سال 424 ارب روپے تھی، سپریم کورٹ اور ہائیکورٹ کے ججز، آرمی جرنیلوں، وفاقی بیوروکریٹس، صدر پاکستان، پینشنرز اور آرمی کے اداروں کو دیے گئے انکم ٹیکس استشناء میں 111 فیصد اضافہ ہوا ہے، جس کی مالیت 57 ارب روپے بنتی ہے۔

کسٹم ڈیوٹی کی مد میں543 ارب روپے کی چھوٹ دی گئی ہے، کسٹم ایکٹ کے پانچویں شیڈول کے تحت 191 ارب روپے، امپورٹ سے متعلقہ ٹیکس چھوٹ127 ارب روپے کی چھوٹ دی گئی ہے۔

کیا مہنگا ہو گا کیا سستا؟ 18 ہزار 900 ارب روپے کا وفاقی بجٹ آج پیش کیا جائے گا

ویب ڈیسک:  وفاقی حکومت ساڑھے 18 ہزار ارب روپے سے زائد کا 2024-25کا بجٹ آج پیش کرے گی، قومی اسمبلی کا اجلاس 4 بجے طلب کر لیا گیا۔

تفصیلات کے مطابق وزیر خزانہ محمد اورنگزیب آج بجٹ پیش کریں گے، بجٹ پیش کرنے سے قبل وفاقی کابینہ کے اجلاس میں بجٹ کی منظوری لی جائے گی، وفاقی بجٹ میں دفاع کیلئے 21 سو ارب روپے، قرضوں پر سود کی ادائیگیوں کیلئے 97 سو ارب رکھے گئے ہیں، حکومت نے آئندہ مالی سال کے دوران ترقیاتی منصوبوں کیلئے 1500 ارب روپے مختص کیے ہیں۔

بجٹ میں توانائی کے شعبے کیلئے 253 ارب، انفرا سٹرکچر کیلئے 827 ارب روپے، توانائی شعبے کیلئے 800 ارب سبسڈی، واٹر ریسورسز کیلئے 206 ارب، ٹرانسپورٹ اور مواصلات کیلئے 279 ارب روپے مختص کیے ہیں، بجٹ میں جی ڈی پی گروتھ کا ہدف 3.6 فیصد مقرر کیا گیا ہے۔

سرکاری ملازمین کی تنخواہوں،پنشن اور الاؤنسز میں اضافےکی تجویز

آئندہ مالی سال کے بجٹ میں سرکاری ملازمین کی تنخواہوں،پنشن اور الاؤنسز میں اضافے کی تجویز ہے جبکہ چھوٹے گریڈ کے ملازمین اور پنشنرز کو ریلیف ملنے کا بھی امکان ہے۔

ذرائع کا کہنا ہے کہ اگلے وفاقی حکومت نے آئندہ مالی سال 2024-25 میں سرکاری ملازمین کی ریٹائرمنٹ کیلیے عمر کی حد بڑھا کر62 سال کرنے اور قومی خزانے پر پنشن بل کا بوجھ کم کرنے کیلئے جامع پنشن اصلاحات متعارف کروانے کا اصولی فیصلہ کیا ہے۔

امپورٹڈ موبائل فون پر ٹیکس اور جی ایس ٹی مزید بڑھانے کی تجویز 

ذرائع کے مطابق آئندہ مالی سال کے بجٹ میں امپورٹڈ موبائل فون پر ٹیکس اور جی ایس ٹی مزید بڑھانے کی تجویز و سفارش کی گئی ہے جبکہ ترقیاتی بجٹ میں 1012 ارب روپے کے اضافے کی سفارش کی گئی ہے جبکہ ترقیاتی منصوبوں کیلئے3792 ارب روپے مختص کیے جانے کا امکان ہے۔

12 ہزار 970 ارب روپے ٹیکس اکٹھا کرنے کا ہدف مقرر

آئندہ مالی سال ایف بی آر کیلئے 12 ہزار 970 ارب روپے ٹیکس اکٹھا کرنے کا ہدف مقرر کیا گیا ہے، ایف بی آر کو 3720 ارب روپے کا اضافی ریونیو جمع کرنا ہو گا، رواں مالی سال کی نسبت ڈائریکٹ ٹیکس 3452 ارب اور کسٹمز ڈیوٹی 267 ارب روپے زائد ہو گی۔

ان لینڈ ریونیو کے ٹیکسز کا حجم 11 ہزار 379 ارب، ڈائریکٹ ٹیکسز کا حجم 5 ہزار 512 ارب روپے ہو گا، انکم ٹیکس کا حجم 5 ہزار 454 ارب، انکم ٹیکس حجم میں اضافی 1773 ارب روپے کا ہدف دیا گیا ہے، 2500 ارب روپے کے ریونیو اقدامات بھی پہلی بار متعارف کرائے ہیں۔

رواں سال صحت پر جی ڈی پی کا 1 فیصد خرچ کیا گیا: اقتصادی سروے

بجٹ سے پہلے جاری ہونے والے اقتصادی سروے کے مطابق رواں مالی سال میں صحت کے شعبے پر جی ڈی پی کا صرف 1 فیصد خرچ کیا گیا، دوران زچگی بچوں کی اموات کی شرح میں کمی آئی، ملک میں رجسٹر ڈاکٹروں کی تعداد 2 لاکھ 99 ہزار 113 تک پہنچ گئی، نرسز کی تعداد 1 لاکھ 27 ہزار 855 ہو گئی، دائیاں 46 ہزار 110، لیڈی ہیلتھ ورکرز 24 ہزار 22 ہیں۔

اقتصادی سروے کے مطابق ملک کی کل آبادی میں 807 افراد کیلئے صرف ایک ڈاکٹر میسر ہے، 6 ہزار 702 افراد کیلئے ایک ڈینٹسٹ دستیاب ہے، خواندگی کی شرح 62.8 فیصد ریکارڈ کی گئی، سکول سے باہر بچوں کی تعداد میں بلوچستان سر فہرست ہے، بلوچستان میں 47 فیصد بچے سکولوں سے باہر ہیں، سندھ میں 44، خیبرپختونخوا میں 32، پنجاب میں 24 فیصد بچے سکول نہیں جاتے۔

بجٹ پر اعتماد میں نہیں لیا گیا، پیپلز پارٹی کا تحفظات کا اظہار

دوسری جانب سابق وزیر خارجہ بلاول بھٹو زرداری کی سربراہی میں پیپلز پارٹی کی پارلیمانی پارٹی کا اجلاس ہوا جس میں ارکان اسمبلی نے بجٹ سے متعلق تحفظات کا اظہار کرتے ہوئے کہا کہ جن شرائط پر شہباز حکومت کی حمایت کی ان پر ابھی تک عمل درآمد کے منتظر ہیں۔

صدرمملکت کی وزیراعظم سے ملاقات،اہم فیصلے

اُدھر بجٹ کے حوالے سے وزیراعظم اور صدر مملکت آصف علی زرداری کی اہم ملاقات ہوئی، جس میں آصف زرداری نے بجٹ میں تعاون کی یقین دہانی کرائی جبکہ اس بیٹھک میں غریب عوام کو ریلیف دینے سے متعلق بھی تبادلہ خیال کیا گیا۔