پاک بھارت ٹاکرا، ویرات کویلی نے ون ڈے کرکٹ میں اہم سنگ میل عبور کرلیا

چیمپئنز ٹرافی ، بھارتی ٹیم نے  لگاتار 12 مرتبہ ٹاس ہارنے کا ریکارڈ قائم کردیا

(ویب ڈیسک) آئی سی سی چیمپئنز ٹرافی کے 5 ویں میچ میں بھارتی ٹیم نے لگاتار 12 مرتبہ ٹاس ہار کر نیا ریکارڈ قائم کردیا ہے۔

بھارتی کرکٹ ٹیم آئی سی سی چیمپنئز ٹرافی 2025  میں پاکستان کے خلاف اپنا دوسرا میچ کھیل رہی ہے،گزشہ میچ میں بھارت نے بنگلہ دیش کو 6 وکٹوں سے شکست دی تھی۔  لیکن  ایونٹ کے دونوں میچز میں بھارتی ٹیم نے ٹاس ہارا اور اس طرح  لگاتار سب سے زیادہ مرتبہ ٹاس ہارنے کا ریکارڈ بھارت  نے اپنے نام کرلیا۔

بھارتی ٹیم کی جانب سے ٹاس ہارنے کا سلسلہ ورلڈکپ 2023 سے شروع ہوا تھا، جب روہت شرما فائنل میں آسٹریلیا سے ٹاس ہارے تھے، اس کے بعد جنوبی افریقہ کے خلاف 3 روزہ سیریز میں کے ایل راہول کپتان تھے، اس میں وہ تینوں میچز میں لگاتار ٹاس ہارے تھے۔

سری لنکا میں سیریز کے دوران بھارتی ٹیم کے کپتان روہت شرما لگاتار 3 مرتبہ ٹاس ہارے، اس کے بعد بھارت میں کھیلی جانیوالی سیریز میں انگلینڈ کے خلاف بھی روہت شرما لگاتار 3 میچز میں ٹاس ہارے تھے۔

جس کے بعد دبئی میں کھیلے جانیوالے آئی سی سی چیمپنئز ٹرافی کے دوسرے میچ میں بھارتی کرکٹ ٹیم کے کپتان روہت شرما بنگلادیش سے ٹاس ہارنے کے بعد آج پاکستان کے خلاف بھی ٹاس ہار گئے۔

قبل ازیں  یہ ریکارڈ نیدرلینڈ کی ٹیم بنا چکی ہے، جو مسلسل 11 میچز میں ٹاس ہاری تھی۔

چیمپئنز ٹرافی؛ بھارت کیخلاف پاکستانی ٹیم کا ایک منفرد ریکارڈ

ویب ڈیسک: دبئی انٹرنیشنل اسٹیڈیم میں بھارت کے خلاف بیٹنگ جاری ہے، اس بار بھی پاکستان کی بیٹنگ لائن لڑکھڑا گئی، کپتان محمد رضوان بھی 77 گیندؤں پر 46 رنز بنا کر آؤٹ ہوگئے، میچ میں 41.2 اوورز میں پہلا چھکا لگا، یہ اعزاز بھی آئی سی سی چیمپئنز ٹرافی میں پاکستان کو حاصل ہوا۔

 کرتے ہوئے پاکستان کے کپتان محمد رضوان 46 رنز بنا کر اکشر پٹیل کی گیند پر بولڈ ہوگئے، میچ کے دوران پاکستانی ٹیم نے ایک اور مایوس کن ریکارڈ اپنے نام کیا، میچ کے 41 ویں اوورز کے بعد پہلا چھکا لگ جو کہ خوشدل شاہ نے لگایا۔

پاکستان کرکٹ ٹیم کی بیٹنگ کی بات کی جائے تو مایوس کن رہی، اوپنر امام الحق اور بابراعظم نے 41 رنز کا آغاز فراہم کیا تاہم بابر 23 رنز بناکر وکٹ گنوابیٹھے بعدازاں 6 رنز کے اضافے کے بعد امام بھی رن آؤٹ ہوئے، انہوں نے 10 رنز بنائے۔

پاکستان کی تیسری وکٹ 151 رنز پر گر گئی ، کپتان 77 گیندوں پر 46 رنز بنا کر آؤٹ ہوئے۔پاکستان کی چوتھی وکٹ 159 رنز پر گر گئی۔سعود شکیل  76 گیندوں پر 62 رنز بنا کر آؤٹ ہوگئے۔اس کے بعد طیب طاہر کریز پر آئے جو   4 رنز بنا کر آؤٹ ہوئے۔سلمان علی آغا نے 19 جبکہ شاہین شاہ آفریدی صفر رنز پر ،نسیم شاہ 14 رنز بناکر کیچ آؤٹ ہوئے۔

پاک بھارت ٹاکرا، بابر اعظم ، ویرات کوہلی  کی دوستانہ ملاقات کی تصاویر سوشل میڈیا پر وائرل 

(ویب ڈیسک )  آئی سی سی چیمپئینز ٹرافی میں پاک بھارت میچ کے دوران  قومی ٹیم کے سابق کپتان اور بلے باز بابراعظم اور بھارتی کرکٹر ویرات کوہلی کے دوستانہ ملاقات کی تصاویر سوشل میڈیا پر  وائرل ہوگئی ہیں۔ 

ویرات کوہلی اور بابر اعظم کے درمیان ایک خوبصورت لمحہ شائقین کی توجہ کا مرکز بن گیا۔ میچ کے پہلے اوور میں بھارتی کرکٹ لیجنڈ ویرات کوہلی نے بابر اعظم کو گرمجوشی سے گلے لگایا۔

ویرات کوہلی اور بابر اعظم کے گلے ملنے کا لمحہ سوشل میڈیا پر بھی وائرل ہوگیا ہے۔

دونوں کھلاڑیوں کی یہ محبت اور عزت اس بات کا ثبوت ہے کہ کرکٹ صرف ایک کھیل نہیں بلکہ دلوں کو جوڑنے والا ایک ذریعہ بھی ہے۔

یہ لمحہ دونوں ممالک کے شائقین کے لیے بے حد خاص تھا، جس نے کھیل میں روایتی حریفوں کے درمیان عزت و احترام اور کھیل کی اصل روح کو اجاگر کیا۔

واضح رہے کہ دونوں کھلاڑی ایک دوسرے کی صلاحیتوں کے معترف ہیں اور کئی مواقع پر ایک دوسرے کی تعریف کرتے نظر آئے ہیں۔

پاک بھارت بڑاٹاکرا، بابر اعظم نے ایک اور بڑا ریکارڈ اپنے نام کرلیا

(ویب ڈیسک )  بابر اعظم پاکستانی ٹیم کے لئے بڑا اسکور تو نہ کرسکے لیکن  میچ کے چوتھے اوور میں انہوں نے ایک بڑا ریکارڈ اپنے نام کر لیا۔ 

بابر اعظم  نے لیجنڈ سعید انور اور جاوید میانداد کے ریکارڈ کی برابری کرلی ۔ بابر یہ کارنامہ انجام دینے والے تیسرے پاکستانی بلے باز بن گئے ہیں۔ انہوں نے آئی سی سی ون ڈے ٹورنامنٹ میں 1000 رنز مکمل کئے۔ بابر نے یہ کارنامہ پاکستان اوربھارت کے درمیان دبئی میں جاری چیمپئنز ٹرافی کے میچ میں انجام دیا۔ انہوں نے چوتھے اوور میں ہرشیت رانا کی گیند پر دو چوکے لگائے۔

خیال رہے کہ بابر نے بین الاقوامی کرکٹ میں اپنی آخری سنچری اگست 2023 میں نیپال کے خلاف بنائی تھی۔

 بابر نے آئی سی سی ون ڈے ایونٹس (ورلڈ کپ، چیمپئنز ٹرافی) میں اپنے 1000 رنز 24 اننگز میں مکمل کئے۔ اس سے پہلے پاکستان کے لیجنڈ اوپنر سعید انور نے 25 اننگز میں 1204 رنز بنائے تھے جبکہ سابق کپتان جاوید میانداد نے 30 اننگز میں 1083 رنز بنائے تھے۔

کیا ویرات کوہلی میچ کھیل پائینگے یا نہیں؟اہم تصویرنےسوال اُٹھادیا

ویب ڈیسک:(جوادملک) اسٹیڈیم سے بھارت کے اسٹار بیٹسمین کی ایک ایسی تصویر سامنے آئی ہے جس نے بھارت  کے ساتھ ساتھ تمام شائقین کی بھی ٹینشن بڑھا دی ہے۔

تفصیلات کے مطابق ویرات کوہلی پاکستان کے خلاف چیمپئنز ٹرافی کے میچ سے قبل  بھر پور پریکٹس کرتے رہے۔تاہم ویرات کوہلی کی پاؤں پر آئس پیک کے ساتھ ایک تصویر منظر عام پر آگئی ہے جس نے میچ سے قبل خدشات کو جنم دیا ہے۔

ویرات کوہلی گزشتہ کچھ عرصے سے اپنی فارم دوبارہ حاصل کرنے کی کوشش کر رہے ہیں۔ بنگلہ دیش کے خلاف چیمپئنز ٹرافی کے پہلے میچ میں بھی انہوں نے صرف 22 رنز بنائے۔

بھارتی ٹیم کی جیت کیلئےجادوٹونے،مہا کمبھ ،رام مندر میں خصوصی پوجا

ویب ڈیسک :پاکستان کوہرانے کے لئے  بھارت میں پریاگ راج (الہ آباد) مہا کمبھ میلے کے مقام پر خصوصی پوجا  پاٹھ ، آرتی اتاری گئی ۔۔رام مندر میں گھنٹیاں بجائی گئیں۔ نانگے سادھوؤں نے برت رکھ کر جادو ٹونے شروع کردئیے.

تفصیلات کے مطابق دبئی میں  بھارت بمقابلہ پاکستان آئی سی سی چیمپیئنز ٹرافی 2025 کے میچ سے پہلے،اتر پردیش کے پریاگ راج میں ایک خصوصی 'پوجا' اور 'آرتی'  اتاری گئی۔ہندؤں کے  تین مقدس دریاؤں گنگا جمنا سرسوتی کے سنگم کے مقام پر دریا کنارے شائقین اور عقیدت مندوں نے کھڑے ہو کر پوجا میں حصہ لیا۔

اسی طرح اجودھیا میں رام مندر میں علی الصبح گھنٹیاں بجائی گئیں اور رام لللہ کے بت کے سامنے بھارتی کرکٹ ٹیم کی فتح کے لئے خصوصی  چڑھاوے چڑھائے گئے۔

دوسری طرف نانگے سادھوؤں نے بھارتی ٹیم کی فتح کے لئے برت رکھ کر جادو ٹونوں کا سلسلہ شروع کردیا ہے۔پاکستانی کھلاڑیوں کی  پرفارمنس کو متاثر کرنے کے لئے ہانڈیوں چلانے  سے لے کر پاکستانی کھلاڑیوں کے پتلوں میں سوئیاں چبھو کر انہیں  مختلف مقام پر دفن کیا جارہا ہے۔

چیمپئنز ٹرافی:پاک بھارت ٹاکرا،آج بابراعظم کے کرئیرکا تاریخی دن

ویب ڈیسک :آج  پاکستان کو ٹائٹل کی دوڑ میں باقی رہنا ہے تو بابر اعظم کو بھی اس تاریخی سٹیج پر اپنے کریئر کی بقا ڈھونڈنا ہو گی۔

بی بی سی کی رپورٹ کے مطابق سپن کو کھیلنا پیس کے خلاف بلے بازی سے کہیں بڑا آرٹ ہے۔ سابق پاکستانی کپتان کے قدم پھر بھی سپنرز کی اندر آتی گیند کو دیکھتے ہی ڈولنے لگتے ہیں۔

پاکستان کا المیہ مگر یہ ہے کہ عہد حاضر میں اس کا سب سے بڑا آرٹسٹ سپن پڑھنے سے چُوک جاتا ہے گو کہ پیس کے خلاف ابھی بھی بابر اعظم کی مہارت قابلِ رشک ہے۔

اندر آتی گیند بھلے وہ گگلی ہو، بھلے آف بریک، ہمیشہ بابر اعظم کے لیے دشوار رہتی ہے۔ دونوں انڈین سپنرز کلدیپ یادیو اور واشنگٹن سندر گو سبھی پاکستانی بلے بازوں کا امتحان ہوں گے مگر سب سے کڑی آزمائش بابر اعظم کی ہو گی۔

 بی بی سی کا کہنا ہے کہ بتدائی کرئیر میں بابر اعظم سپن کے علاوہ پیس سے نمٹنے کو بھی غیر روایتی طریقے اپنایا کرتے تھے۔ جہاں ان کے گھٹنوں کی لچک سٹانس کے بدلاؤ میں مددگار ہوتی تو سبک قدمی انھیں گیند کی پچ تک پہنچنے میں معاون ثابت ہوا کرتی۔

پچھلے دو برس جن آف فیلڈ معاملات سے وہ گزرے ہیں، اب وہ لچک نہ صرف ان کے گھٹنوں سے غائب ہو گئی بلکہ اپروچ سے بھی کچھ ماند سی ہوئی ہے۔

جو پاپڑ اس ٹورنامنٹ کی میزبانی پانے کو پی سی بی نے بیلے ہیں اور جو روڑے اسے رکوانے کو انڈیا نے اٹکائے ہیں، وہاں اب اس سے بڑی ستم ظریفی اور کیا ہو گی کہ جو انڈیا سب کچھ کر کے بھی چیمپیئنز ٹرافی کو پاکستان سے نہیں نکال پایا، وہ اب پاکستان کو ہی چیمپیئنز ٹرافی سے نکال باہر کر دے۔

میچ پاکستان کو جیتناچاہیئے،بھارتی کھلاڑی نےپاکستان کےحق میں دعاکیوں مانگی؟

ویب ڈیسک : پاکستان یہ میچ جیتے گا تو ٹورنامنٹ کا مزہ آئے گا۔۔ بھارتی کھلاڑی کی معصوم سی خواہش کے پیچھے کیا ہے؟

تفصیلات کے مطابق سابق بھارتی کرکٹر اتل وسان نے کہا ہے کہ ٹورنامنٹ کا جوش برقرار رکھنے کے لیے وہ چاہتے ہیں بھارت۔ پاکستان میچ میں پاکستان جیت جائے۔

اتل وسان  کا کہنا تھا کہ وہ چاہتے ہیں کہ پاکستان اتوار کو دبئی انٹرنیشنل اسٹیڈیم میں  بھارت کے خلاف سنسنی خیز میچ جیتے۔لیکن ان کی اس معصوم سی دعاکے پیچھے واقعی ایک بڑا راز چھپا ہے ۔

وسان نے کہا کہ اگر پاکستان میچ جیت جاتا ہے تو ٹورنامنٹ زندہ رہے گا۔ انہوں نے کہا، میں چاہتا ہوں کہ پاکستان جیت جائے  تو اسی صورت میں یہ دلچسپ ٹورنامنٹ ہوگا۔ پاکستان کو جیتنے نہیں دیں گے تو کیا کریں گے؟ پاکستان جیت گیا تو ٹائی ہو جاتا ہے۔ برابری کی جنگ ہونی چاہیے۔

یادرہے پاکستان کو اپنے پہلے میچ میں نیوزی لینڈ کے ہاتھوں شکست کا سامنا کرنا پڑا تھا اور وہ اس وقت چیمپئنز ٹرافی گروپ اے کے پوائنٹس ٹیبل میں چوتھے نمبر پر ہے۔ ٹورنامنٹ میں ابھی 3 میچز باقی ہیں، اگر دفاعی چیمپئن ٹیم  پاکستان بھارت کے خلاف میچ نہ جیت سکی تو اس کے لیے کوالیفائی کرنا مشکل ہو سکتا ہے۔اور چیمپئینز ٹرافی کے باقی ماندہ میچز محض ایک روٹین اور بور ہوکر رہ جائیں گے۔

چیمپئنز ٹرافی:میچ دیکھنے والوں کیلئےدبئی پولیس کی اہم ہدایات

ویب ڈیسک: آئی سی سی چیمپئینز ٹرافی میں پاک بھارت میچ سے قبل دبئی کمیونٹی پولیس نے وارننگ جاری کردی۔

رپورٹس کے مطابق دبئی پولیس نے شائقین کرکٹ کو خبردار کیا کہ پاک بھارت میچ سے قبل سائبر فراڈ کرنیوالوں کے خلاف سخت کارروائیاں جاری ہیں تاکہ آن لائن فراڈ کو روکا جاسکے اور سینکڑوں ویب سائٹس بھی بلاک کردی گئی ہیں۔

حکام نے وارننگ جاری کرتے ہوئے شائقین اور فینز متنبہ کیا ہے کہ پاک بھارت میچ کے ٹکٹس کی بلیک میں خریداری پر ہوش سے کام لیں کیونکہ آن لائن فراڈ کیا جاسکتا ہے اور ممکن ہو تو خریداری سے دور رہیں۔متعدد جعلی آن لائن ری سیل ایوینیوز بلاک کردیے گئے ہیں،  غیرمعیاری ویب سائٹ پرکریڈٹ کارڈ کی تفصیلات چوری ہو سکتی ہیں، عوام بہت محتاط رہیں۔

پولیس کو خدشہ ہے کہ آن لائن فراڈ میں ملوث افراد نے شائقین کرکٹ کو بیوقوف بناکر کئی جعلی ٹکٹس فروخت کیے ہیں۔اسی دوران پولیس نے عوام سے اپیل کی ہے کہ کسی بھی مشکوک ویب سائٹ یا ٹکٹس کی فروخت کرنیوالی سائٹ سے متعلق آگاہ کریں تاکہ بروقت کارروائی کی جاسکے۔

چیمپیئنز ٹرافی:پاک بھارت ٹاکرے سے قبل چیئرمین پی سی بی کا اہم بیان سامنے آگیا

ویب ڈیسک: پاکستان کرکٹ بورڈ (پی سی بی) کے چیئرمین محسن نقوی نے بھارت کے خلاف قومی ٹیم کی جیت کی توقع ظاہر کرتے ہوئے کہا ہے کہ پاکستانی ٹیم پوری طرح تیار ہے، کل اچھا مقابلہ ہوگا، ٹیم ہارے یا جیتے، ہم ان کے ساتھ ہیں، چیزیں اوپر نیچے ہوتی ہیں ، انشاء اللہ پاکستان جیتے گا۔

 تفصیلات کے مطابق چیئرمین پی سی بی محسن نقوی نے چیمپیئنز ٹرافی میں پاک بھارت ٹاکرے سے قبل قومی ٹیم کے نام اہم پیغام جاری کردیا۔

دبئی میں میڈیا سے گفتگو کرتے ہوئے محسن نقوی نے کہا کہ قومی ٹیم کو پیغام ہے آپ ہاریں یا جیتیں ہم آپ کے ساتھ ہیں، آج اچھا مقابلہ ہوگا اور پاکستان ٹیم پوری طرح تیار ہے، چیزیں اوپر نیچے ہوتی ہیں،انشااللہ پاکستان جیتے گا اور یہ پاکستان کیلئے بڑا انعام ہوگا۔

چیئرمین پی سی بی نے مزید کہا کہ بھارت سے پوچھیں گے کہ اگر وہ لاہور آکر کھیل رہے ہوتے تو ان کے کیا احساسات ہوتے۔

انگلینڈ آسٹریلیا میچ کے دوران بھارتی ترانہ بجنے سے متعلق پوچھے گئے سوال کے جواب میں انہوں نے کہاکہ ایونٹ کا آرگنائزر آئی سی سی ہے۔

واضح رہے کہ پاکستان اور بھارت کے درمیان چیمپیئنز ٹرافی کا میچ دبئی کرکٹ سٹیڈیم میں کھیلا جائےگا۔

پنجاب کی جیلوں میں قیدیوں کو پاک بھارت میچ دکھانےکافیصلہ

ویب ڈیسک: پنجاب کی جیلوں میں قیدیوں کو پاک بھارت میچ دکھانے کا فیصلہ  کیا گیا۔

 تفصیلات کے مطابق ترجمان محکمہ داخلہ کاکہنا ہے کہ پنجاب کی 44جیلوں میں قیدی کرکٹ میچ سے محظوظ ہوں گے،سیکرٹری داخلہ پنجاب نے آئی جی جیل خانہ جات کو خصوصی انتظامات کی ہدایت کردی ہے۔

یاد رہے کہ دبئی میں شیڈول ایونٹ کے ہائی والٹیج میچ میں روایتی حریف مدِ مقابل ہوں گے۔ میچ کا آغاز دوپہر دو بجے ہوگا۔

گروپ اے کی ٹیموں کے درمیان یہ تیسرا میچ ہے۔ اس سے قبل پاکستان کو نیوزی لینڈ کے خلاف شکست کا سامنا کرنا پڑا تھا جبکہ بھارت نے بنگلا دیش کو چھ وکٹوں سے زیر کیا تھا۔

آئی سی سی چیمپئینز ٹرافی میں پاک بھارت گروپ میچ کیلئے کوئی ریزرو ڈے نہیں رکھا گیا ہے جبکہ یہ میچ پاکستان کیلئے کرو یا مرو کی صورتحال اختیار کرچکا ہے، اگر شکست ہوئی تو گرین شرٹس ٹورنامنٹ سے باہر ہوسکتی ہے جبکہ جیت پاکستان کی سیمی فائنل کھیلنے کی امیدوں کو برقرار رکھے گی۔

بھارت کیخلاف میچ کیلئے قومی ٹیم کی پلیئنگ الیون فائنل

ویب ڈیسک: بھارت کیخلاف میچ کیلئے قومی ٹیم کی پلیئنگ الیون فائنل  کر لی گئی۔

 تفصیلات کے مطابق  چیمپئنز ٹرافی کے اہم میچ میں بھارت کے خلاف پاکستان کے 11 کھلاڑیوں سے متعلق پاکستان ٹیم مینجمنٹ نے مشورہ کیا ہے۔

ذرائع کاکہنا ہے کہ نیوزی لینڈ کیخلاف میچ میں شامل کسی کھلاڑی کو ڈراپ نہیں کیا جائے گا، فخرزمان کی جگہ امام الحق کو بھارت کے خلاف میچ میں شامل کیا جائے گا۔

ذرائع کے مطابق آج بھارت کے خلاف میچ میں بابر اعظم اننگ کا آغاز کریں گے.پاکستان ٹیم 3 فاسٹ بولرز اور 1 اسپنر کے ساتھ میدان میں اترے گی۔ٹیم مینجمنٹ آل راؤنڈر فہیم اشرف کو کھلانے کا فیصلہ ٹاس سے پہلے کرے گی۔

ذرائع کے مطابق ممکنہ 11 رکنی ٹیم میں بابر اعظم، امام الحق، سعود شکیل، محمد رضوان، آغا سلمان، طیب طاہر، خوشدل شاہ، ابرار احمد، نسیم شاہ، شاہین آفریدی اور حارث رؤف شامل ہوں گے۔

واضح رہے کہ چیمپئنز ٹرافی میں آج پاک بھارت ٹاکرا دبئی میں شیڈول ہے۔

یاد رہے کہ دونوں ٹیموں کا یہ اس ٹورنامنٹ میں دوسرا میچ ہوگا۔ پاکستان کو پہلے میچ میں نیوزی لینڈ نے شکست دی تھی جبکہ بھارت نے اپنا پہلا میچ بنگلادیش کے خلاف جیتا تھا۔

پاک بھارت ٹاکرے سےقبل بابر اعظم پریکٹس سیشن سےغائب، میچ میں شرکت مشکوک؟

ویب ڈیسک: بھارت کے خلاف آئی سی سی چیمپیئنز ٹرافی کے میچ سے قبل قومی کرکٹ ٹیم نے دبئی کرکٹ اسٹیڈیم میں پریکٹس کی، تاہم سابق کپتان بابر اعظم پریکٹس سیشن کے دوران نظر نہ آئے۔

میڈیا رپورٹس کے مطابق قومی کرکٹ ٹیم آج دبئی اسٹیڈیم میں روایتی حریف بھارت سے ٹکرائے گی، قومی ٹیم نے اسٹیڈیم پہنچ کر رنگ آف فائر میں پریکٹس کی۔

پاکستان کرکٹ بورڈ کے آفیشل فیس بک پر جاری پوسٹ کے مطابق کھلاڑیوں نے وارم اپ سیشن اور ایکسرسائز ڈرلز میں حصہ لیا، کوچز نے کھلاڑیوں کو کیچز اور فیلڈنگ کی پریکٹس کرائی۔

تاہم سابق کپتان بابر اعظم پریکٹس کے لیے نہ جا سکے بلکہ انہوں نے ہوٹل میں ہی فزیکل ٹریننگ حاصل کی۔ اطلاعات سامنے آئی کہ بابر اعظم نے زکام کی وجہ سے پریکٹس سیشن میں حصہ نہیں لیا۔

قیاس آرئیاں کی جارہی ہیں کہ بابر اعظم میچ کے لیے مکمل فٹ نہیں جس کے باعث وہ پریکٹس سیشن میں نظر نہ آئے۔قومی کرکٹ ٹیم کے پریکٹس سیشن کے دوران پاکستان کرکٹ بورڈ کے چیئرمین محسن نقوی بھی اسٹیڈیم میں موجود تھے۔

خیال رہے کہ پاکستان اور بھارت کے درمیان چیمپئنز ٹرافی کا ٹاکرا آج 23 فروری کو دبئی انٹرنیشنل کرکٹ اسٹیڈیم میں ہوگا۔بڑے میچ ٹکٹس کم وقت میں ہی فروخت ہوگئے تھے۔ کھلاڑیوں نے پاک بھارت میچ کیلئے بھرپور پریکٹس کی۔پاکستان اور بھارت کے درمیان چیمپئنز ٹرافی کا ہائی وولٹیج مقابلہ دوپہر 2 بجے شروع ہوگا۔

چیمپئینز ٹرافی: کوہلی کی شاندار، سنچری ،بھارت نے پاکستان کو شکست دیدی

ویب ڈیسک: آئی سی سی چیمپئینز ٹرافی کے اہم معرکے میں پاکستان نے بھارت کو جیت کیلئے 242 رنز کا ہدف  دیا جو بھارت نے با آسانی  4 وکٹوں کے نقصان پر پورا کرلیا۔

تفصیلات کے مطابق دبئی میں کھیلے جارہے چیمپئینز ٹرافی کے پانچویں میچ میں اوپنر امام الحق اور بابراعظم نے 41 رنز کا آغاز فراہم کیا تاہم بابر 23 رنز بناکر وکٹ گنوابیٹھے بعدازاں 6 رنز کے اضافے کے بعد امام بھی رن آؤٹ ہوئے، انہوں نے 10 رنز بنائے۔پاکستان کی تیسری وکٹ 151 رنز پر گر گئی ، کپتان 77 گیندوں پر 46 رنز بنا کر آؤٹ ہوئے۔پاکستان کی چوتھی وکٹ 159 رنز پر گر گئی۔سعود شکیل  76 گیندوں پر 62 رنز بنا کر آؤٹ ہوگئے۔اس کے بعد طیب طاہر کریز پر آئے جو   4 رنز بنا کر آؤٹ ہوئے۔سلمان علی آغا نے 19 جبکہ شاہین شاہ آفریدی صفر رنز پر آؤٹ ہوئے۔نسیم شاہ نے 14 رنز بنائے۔

بھارت کی جانب سےکلدیپ یادیو نے 3،  ہاردک پانڈیا ن نے 2 کھلاڑیوں آؤٹ کیا جبکہ  اکشر پٹیل اور جڈیجہ نے 1،1 وکٹ حاصل کی۔

ہدف کے تعاقب میں بھارت کی پہلی وکٹ 31 رنز پر گر گئی، روہت شرما 15 گیندوں پر 20 رنز بنا کر آؤٹ ہوئے۔شبھن گل ابرار احمد کی گیند  46 رنز بنا کر آؤٹ ہوئے۔بھارت کی تیسری  وکٹ 214 رنز پر گر گئی۔شریاس ایئر  56 رنز بنا کر آؤٹ ہوئے۔ہاردک پانڈیا 8 رنز بنا کر پویلین لوٹے۔ویرات کوہلی کی شاندار سنچری بنا ڈالی۔وہ 111 گیندوں پر 100 رنز بنا کر ناٹ آؤٹ رہے۔

پاکستان کی جانب سے شاہین شاہ آفریدی نے 2 کھلاڑیوں کو آؤٹ کیا۔ ابرار احمد اور خوشدل شاہ   نے 1،1 کھلاڑی کو آؤٹ کیا۔

ٹاس کے موقع پر گفتگو کرتے ہوئے قومی ٹیم کے کپتان محمد رضوان نے کہا کہ ٹیم میں ایک تبدیلی کی گئی ہے، فخر زمان کی جگہ امام الحق کو پلیئنگ الیون میں شامل کیا ہے، بہترین کھیل پیش کرنے کی کوشش کریں گے، آئی سی سی کا ہر ایونٹ اہم ہوتا ہے، اس گراؤنڈ میں پاکستان کا ریکارڈ اچھا ہے۔

محمد رضوان نے کہا کہ ’پچ اچھی لگتی ہے اس لیے ہم پہلے بیٹنگ کرنا چاہتے ہیں۔ اگر آپ آئی سی سی ایونٹ کھیلتے ہیں تو ہر میچ اہم ہوتا ہے۔ ہمارے کھلاڑی یہاں کی کنڈیشن سے آگاہ ہیں اور ہم نے پہلے بھی اس گراؤنڈ میں اچھی کارکردگی دکھائی ہے۔ ہم گذشتہ میچ ہار گئے تھے لیکن اب یہ ماضی کی بات ہے۔

بھارٹی کرکٹ ٹیم کے کپتان روہت شرما کا کہنا تھا کہ پچ بنگلہ دیش والے میچ سے مختلف ہے، بنگلہ دیش کیخلاف بھی ہدف کا تعاقب آسان نہیں تھا، ٹاس جیتتے تو پہلے باؤلنگ ہی کرتے، ٹاس ہارنا کوئی مسئلہ نہیں بطور ٹیم کھیلیں گے، بھارٹی ٹیم میں کوئی تبدیلی نہیں کی گئی۔

خیال رہے کہ چیمپئنز ٹرافی میں پاکستان کا پلڑا بھاری ہے، اس میگا ایونٹ میں پاک بھارت ٹیمیں 5 بار مدمقابل آئیں،شاہینوں نے 3 جبکہ بھارت نے 2 میچز میں فتح سمیٹی ،ون ڈے کرکٹ میں بھی شاہینوں کو بھارتی سورماؤں پر واضح برتری حاصل ہے،دونوں ٹیمیں ایک روزہ کرکٹ میں 135 بار آمنے سامنے آئیں، پاکستان 73 جبکہ بھارت 57 میچوں میں کامیاب رہا۔

پاکستان کا اسکواڈ:

کپتان محمد رضوان،  امام الحق، بابراعظم، سلمان علی آغا، طیب طاہر، خوشدل شاہ، شاہین آفریدی، نسیم شاہ، حارث روف اور ابرار احمد

بھارت کا اسکواڈ:

کپتان روہت شرما، شبمن گل، ویرات کوہلی، شریاس آئیر، اکشر پٹیل، کے ایل راہول، ہاردک پانڈیا، رویندر جڈیجا، ہرشیت رانا، محمد شامی اور کلدیپ یادو