پی ٹی آئی قافلے میں شامل کوچ کا ٹائر پھٹ گیا، متعدد کارکن زخمی

وزیراعلی خیبرپختونخوا کیخلاف مقدمہ درج کرانے کا اعلان

ویب ڈیسک: وزیراعلی خیبرپختونخوا علی امین گنڈاپور کی جانب سے دوران تقریر صحافیوں پر بے بنیاد الزامات،بیٹ رپورٹرز کی جانب سے وزیراعلی خیبرپختونخوا کے خلاف اندراج مقدمہ کے لیے درخواست دینے کا اعلان کیا گیا۔

تفصیلات کےمطابق پی ٹی آئی بیٹ رپورٹرز ایسوسی ایشن کی جانب سے شدید الفاظ میں مذمت کی گئی، بیٹ رپورٹرز کی جانب سے وزیراعلی خیبرپختونخوا کے خلاف اندراج مقدمہ کے لیے درخواست دینے کا اعلان کیا گیا۔

 بیٹ رپورٹرز  نے الزام لگاتے ہوئےکہا کہ وزیراعلی کی تقریر میں صحافیوں کو بکاو  کہا گیا،وزیراعلی کی تقریر کے دوران پی ٹی آئی کارکنان نے جلسہ گاہ میں موجود ڈی این این جیز کا گھیراؤ کیا،وزیراعلی کی تقریر کے بعد جلسہ گاہ میں موجود صحافیوں کی جان کو خطرہ ہے۔

بیٹ رپورٹرز نےمطالبہ کیا کہ علی امین گنڈاپور صحافیوں سے فی الفور معافی مانگیں، معافی نہ مانگنے کی صورت میں وزیراعلی کے خلاف قانونی کاروائی کے لیے درخواست دیں گے۔

پی ٹی آئی کا جلسہ، این او سی کی خلاف ورزی ،کارکنان کا پتھراؤ، پولیس کی شیلنگ

(ویب ڈیسک ) پاکستان تحریک انصاف ( پی ٹی آئی)  کے جلسے کا وقت ختم ،  ڈی سی اسلام آباد  نے پولیس اور انتظامیہ کو کارروائی کی ہدایت کردی۔

تفصیلات کے مطابق  اسلام آباد کے علاقے سنگجانی میں پی ٹی آئی کا جلسہ جاری ہے۔خیبرپختونخوا اور پنجاب کے مختلف علاقوں سے کارکن اب بھی جلسہ گاہ کے راستے میں ہیں ۔

تاہم   اسلام آباد کی ضلعی انتظامیہ نے جو پی ٹی آئی کو جلسے کیلئے وقت دیا تھا وہ ختم ہوگیا۔

اس حوالے سے ضلعی انتظامیہ کا کہنا ہے کہ  جلسہ منتطمین نے این او سی کے قواعد و ضوابط کےخلاف ورزی کی ہے، دیےگئے این او سی کے مطابق جلسہ7بجے تک ختم کرنا تھا۔

ضلعی انتظامیہ نے پولیس کو کارروائی کے احکامات جاری کردیے اور جلسہ منتظمین کو بھی کاروائی سےمتعلق آگاہ کردیا۔ڈسٹرکٹ مجسٹریٹ اسلام آباد  نے نوٹیفکیشن جاری کردیا جس میں کہا گیا ہے کہ جلسہ گاہ فوری خالی کی جائے۔

26 نمبر چونگی کے مقام پر پولیس اور پی ٹی آئی کارکنان آمنے سامنے, پی ٹی آئی کارکنان کے پتھراؤ سے ایس ایس پی سیف سٹی شعیب خان زخمی ہوگئے۔پی ٹی آئی کارکنان کے پتھراؤ سے کئی پولیس والوں کی حالت غیر ہوگئی۔

پولیس کی جانب سے کارکنان کو منتشر کرنے کے لیے شیلنگ جاری ہے۔

وزیر داخلہ محسن نقوی کا نوٹس: 

وفاقی وزیرداخلہ محسن نقوی نے فوری نوٹس لیتے ہوئے آئی جی اسلام آباد پولیس سے رپورٹ طلب کرلی ہے۔ وزیرداخلہ محسن نقوینے  زخمی ایس ایس پی شعیب خان سے ٹیلی فونک رابطہ کر کے خیریت دریافت کی۔

محسن نقوی نے  کہا کہ  زخمی پولیس اہلکاروں کو علاج معالجے کی بہترین سہولتیں فراہم کی جائیں۔

وقت پر جلسہ ختم کرنا لازمی، خلاف ورزی پر قانونی کارروائی ہوگی، ڈی سی اسلام آباد

(ویب ڈیسک ) ڈی سی اسلام آباد عرفان نواز کا کہنا ہے کہ وقت پر جلسہ ختم کرنا لازمی ہے، خلاف ورزی پر قانونی کارروائی ہوگی۔

ڈی سی اسلام آباد عرفان نواز نے سماجی رابطے کی ویب سائٹ ایکس پر بیان میں  کہا کہ  ضلعی انتظامیہ کی جانب سے پی ٹی آئی کو جاری کیے گئے این او سی کے مطابق اسلام آباد میں جلسے کے اختتام کا وقت شام 7 بجے تھا جس میں 45 منٹ باقی ہیں ۔

انہوں نے کہا کہ  اس حوالے سے جلسہ منتظمین کو آگاہ باقاعدہ کر دیا گیا ہے، این او سی کی خلاف ورزی پر قانونی کاروائی کی جائے گی۔

انٹرنیٹ سپیڈ ڈاؤن: 

دوسری جانب  ملک کے مختلف حصوں میں انٹرنیٹ کے سگنلز ڈاؤن ہوگئے۔ سوشل میڈیا پلیٹ فارم وٹس ایپ پر تصاویر اور ویڈیوز ڈاؤن لوڈ نہیں ہورہیں ۔  انٹر نیٹ کی سپیڈ ڈاؤن ہونے کے باعث شہریوں کو مشکلات کا سامنا ہے۔

علی امین گنڈاپور اسلام آباد جلسے کیلئے روانہ

ویب ڈیسک: وزیرِاعلیٰ خیبرپختونخوا علی امین گنڈاپور بھی اسلام آباد میں جلسے کے لیے روانہ ہوگئے ہیں۔

علی امین گنڈاپور کے ترجمان کا کہنا ہے کہ وزیرِاعلیٰ قافلوں کے پیچھے پیچھے جا رہے ہیں، کوشش کر رہے ہیں وزیر اعلیٰ قافلوں سے آگے نکل جائیں۔

ترجمان وزیر اعلیٰ ہاؤس نے کہا کہ علی امین گنڈاپور دیر ہونے کی وجہ سے میڈیا سے گفتگو کئے بغیر اسلام آباد کے لیے نکل گئے۔

خیال رہے کہ خیبرپختونخوا سے نکلے مختلف قافلے صوابی کے مقام پر اکٹھے ہو رہے ہیں، جہاں سے تمام قافلے وزیراعلیٰ خیبرپختونخوا علی امین گنڈاپور کی قیادت میں سنگجانی جلسہ گاہ کے لئے روانہ ہوں گے۔

پی ٹی آئی کا جلسہ، اسلام آباد پولیس نےشرکاء کو وارننگ دیدی

ویب ڈیسک:  اسلام آباد پولیس نے پاکستان تحریک انصاف (پی ٹی آئی) جلسے کے شرکاء کو وارننگ دیدی۔

 تفصیلات کے مطابق ترجمان اسلام آباد پولیس کا کہنا ہے کہ جلسے میں شرکت کیلئے ضلعی انتظامیہ کی طرف سے روٹ متعین کردیے گئے ہیں، متعین روٹس کے علاوہ پیدل، موٹر سائیکلوں یا گاڑی پر جلسہ گاہ کی طرف سفر منع ہے اور اس کی قانوناً اجازت نہیں ہوگی۔متعین کردہ راستوں کی خلاف ورزی پر سخت سے سخت قانونی کارروائی عمل میں لائی جائے گی اور خلاف ورزی کرنے والوں کو فوری گرفتار کیا جائے گا۔

پولیس کا کہنا ہے کہ اسلام آباد میں پرامن اجتماع کا قانون بن چکا ہے جو کہ نافذالعمل بھی ہے، قانون کی خلاف ورزی کرنے والوں کے خلاف سخت ایکشن ہوگا۔

پی ٹی آئی جلسہ، پی ٹی آئی نے کارکنوں کو اہم ہدایات جاری کردیں

(ویب ڈیسک ) پاکستان تحریک انصاف کے اسلام آبادمیں جلسے کیلئے  پی  ٹی آئی کی قیادت نے کارکنوں کو اہم ہدایات جاری کردیں ہیں۔

پاکستان تحریک انصاف کی قیادت  کی جانب سے  کارکنوں کو کسی بھی صورتحال میں اسلحے کا استعمال نہ کرنے اور مشکوک افراد پر کڑی نظر رکھنے کی ہدایات جاری کی گئی ہیں۔

اس حوالے سے پی ٹی آئی کی قیادت نے مقامی  عہدیداروں کو قافلے میں شامل لوگوں پر کڑی نظر رکھنے کا ٹاسک سونپا گیا ہے اور ان ک ہدایات جاری کی گئی ہیں کہ مشکوک شخص نظر آئے تو فوری طور پر اسے پکڑا جائے۔

رہنماؤں کو یہ بھی کہا گیا ہے کہ  جلسے میں کسی قسم کی بدامنی نہیں ہونی چاہیے، یوتھ ونگ ماسک، نمک اور شیلنگ سے بچاؤ کے دیگر آلات اپنے ساتھ رکھیں۔

واضح رہے کہ  پی ٹی آئی آج اسلام آباد کے نواحی علاقے سنگجانی میں جلسہ کررہی ہے، ملک بھر سے  کارکنوں کی آمد کا سلسلسہ جاری ہے۔

ادھر  راولپنڈی اور اسلام آباد میں سڑکوں کو جگہ جگہ کنٹینٹر لگا کر بند کر دیا گیا ہے اور اسلام آباد انتظامیہ کی جانب سے پی ٹی آئی قیادت سے جلسے کی اجازت کے لیے ملنے والی این او سی پر سختی سے عمل درآمد کا کہا گیا ہے۔

جلسی کریں،روئیں،پیٹیں یا چیخیں، سزاتو ملے گی،مریم اورنگزیب

ویب ڈیسک: سینئیر وزیر پنجاب مریم اورنگزیب نے اپنے بیان میں کہا ہے کہ ریاست کے خلاف منصوبہ بندی کرکے حملہ  کرنے کے جرم کی کوئی معافی نہیں، جلسی کریں روئیں پیٹیں یا چیخیں سزا تو ملے گی۔ 

لاہور میں میڈیا سے بات کرتے ہوئے مریم اورنگزیب نے کہا کہ نئے نیب قانون کے تحت ریلیف کی پہلی درخواست 9 مئی کے مجرم نے دی، این آر او بھی مانگتا ہے اور جلسہ بھی کرتا ہے۔

ان کا کہنا ہے کہ بانی پی ٹی آئی کہتے ہیں قانون چوروں کو بچانے کے لیے بنایا گیا ہے، ’این آر او‘ کی پہلی درخواست موصوف کی اپنی ہے۔

مریم اورنگزیب کا کہنا ہے کہ جلسہ 9 مئی اور ریاست کے خلاف منصوبہ سازی کے جرم سے بچنے کے لیے این آر او کی بھیک ہے۔

صوبائی وزیر کا کہنا ہے کہ ریاست کے خلاف منصوبہ بندی کر کے حملہ کرنے کے جرم کی کوئی معافی نہیں ہے۔

انہوں نے کہا کہ گھڑی اور توشہ خانہ کا چور، 190 ملین پاؤنڈ کا مجرم خود ’این آر او‘ لے کر بھاگنا چاہتا ہے، جن کو چور کہتا تھا وہ اِس کے ظلم کا نشانہ بنے، این آر او کی بھیک نہیں مانگی۔

پی ٹی آئی جلسے کیلئے قافلے پہنچنا شروع، 20 ہزار کرسیاں لگ گئیں،موبائل انٹرنیٹ معطل

ویب ڈیسک: اسلام آباد کے علاقے سنگجانی میں پاکستان تحریک انصاف (پی ٹی آئی) کا پنڈال سج گیا، 20 ہزار کرسیاں لگا دی گئیں، جلسہ گاہ میں کارکنان کی آمد کا سلسلہ جاری ہے، کارکنان بھنگڑے ڈال رہے ہیں، جلسے کی سیکیورٹی کے سخت انتظامات کیے گئے ہیں،جلسہ گاہ کی سیکیورٹی کے لیے موبائل فون اورانٹرنیٹ کی سروس کو ڈاؤن کردیا گیا۔

تفصیلات کے مطابق تحریک انصاف آج اسلام آباد میں سیاسی قوت کا مظاہرہ کرے گی، سنگجانی کے قریب ہونے والے جلسے کی تیاریاں مکمل کرلی گئیں جبکہ کارکن ٹولیوں کی شکل میں جلسہ گاہ پہنچ رہے ہیں۔

سنگجانی کے قریب ہونے والے جلسے کے 41 شرائط پر مشتمل این او سی کے مطابق جلسے کا آغاز 4 بجے اور اختتام شام 7 بجے تک ہوگا، اسٹیج اور ساؤنڈ سسٹم سمیت جلسہ گاہ میں دیگر تیاریاں آخری مراحل میں ہیں۔

این او سی کے مطابق ریاست مخالف تقاریر یا نعروں کی اجازت نہ ہوگی، اجازت صرف 8 ستمبر کے لیے ہے، منتظمین اسی رات کارکنان کی واپسی یقینی بنائیں گے، جلسے کی اجازت ہوگی لیکن کسی قسم کے دھرنے کی اجازت نہ ہوگی، اجازت صرف 8 ستمبرکے لیے ہے منتظمین اسی رات کارکنان کی واپسی یقینی بنائیں گے، آرگنائزر جلسے کی انٹرنل سیکیورٹی کے ذمہ دارہوں گے، مذہبی منافرت پر مبنی تقاریر یا نعروں کی اجازت نہیں ہوگی۔

دوران جلسہ شہریوں کے بنیادی حقوق کا تحفظ یقینی بنانے کی ذمہ داری جلسہ منتظمین کی ہوگی، خیبرپختونخوا سے آنے والے قافلے براستہ ایم ون موٹروے اے ڈبلیو ٹی انٹرچینج سے ہوتے ہوئے پسوال روڈ پر پہنچیں گے، براستہ جی ٹی روڈ آنے والے قافلے برہان انٹرچینج سے موٹروے ایم ون پرآئیں گے جبکہ اے ڈبلیو ٹی انٹرچینج سے اتر کر پسوال روڈ سے ہو تے ہوئے جلسہ گاہ پہنچیں گے۔

پنجاب سے آنے والے قافلے جی ٹی روڈ سے روات اور روات سے چک بیلی روڈ سے چکری انٹرچینج تک ایم ٹو سے ہوتے ہوئے پسوال روڈ تک پہنچیں گے، اس کے علاوہ مری اور اسلام آباد کے رہائشی صرف مارگلہ ایونیو سے ہوتے ہوئے جلسہ گاہ تک پہنچیں گے جبکہ اسلام آباد سے جلسہ گاہ کی طرف جانے والے باقی تمام راستے بند ہوں گے۔

حکومت خوفزدہ،ملک کی بڑی شاہراہوں کوکنٹینرزلگاکربندکردیاگیا،بیرسٹرسیف

ویب ڈیسک: مشیر اطلاعات خیبرپختونخوا بیرسٹر ڈاکٹر سیف نے کہا ہے کہ اسلام آباد میں کنٹینرز کا جلسہ ہو رہا ہے، ملک کی بڑی شاہراہوں کو بند کر دیا گیا ہے۔

 تفصیلات کے مطابق اسلام آباد میں پریس کانفرنس کرتے ہوئے بیرسٹر سیف کا کہنا تھا کہ تحریک انصاف کے قابلوں کو جگہ جگہ روکا جا رہا ہے، سندھ سے آنیوالے قافلوں کو ٹول پلازوں پر روکا گیا، مری سے اسلام آباد آنے والے راستوں کو بھی سیل کر دیا گیا ہے، صبح سے خبر چل رہی ہے جلسہ گاہ سے بارودی مواد برآمد ہوا، کیا بارودی مواد پی ٹی آئی والے لے کر آئے؟

انہوں نے کہا کہ ایک ہی مطالبہ ہے ہمارا مینڈیٹ واپس کرو، یہ 8 فروری کو شکست کھائے ہوئے ہیں، ان کو اقتدار کی کرسی پر بٹھایا گیا۔

ان کا کہنا تھا کہ پی ٹی آئی کارکنان کو کامیابی کی پیشگی مبارکباد دیتا ہوں، جو پیغام دینا چاہتے تھے وہ حکومت تک پہنچ گیا، ان کے ذہنوں میں وحشت پیدا ہوچکی ہے، یہ ہماری کامیابی کی نوید ہے، ہم ڈرامے نہیں کر رہے، جمہوری طریقے سے اپنا آئینی حق استعمال کر رہے ہیں، جمہوری اختلافات نفرت میں تبدیل آپ کی حرکتوں کی وجہ سے ہوئے۔

بیرسٹر سیف نے کہا کہ اپنے چند دنوں کے اقتدار کیلئے قوم کی بنیادوں کو مت ہلاؤ، یہ عمارت گر گئی تو تم بھی نیچے آ جاؤ گے، آپ کا لیڈر تو لندن بھاگ جائے گا لیکن تمہارے کارکن ہمارے ساتھ ہی لپیٹ میں آئیں گے، 8 فروری کے نتائج کو چیف الیکشن کمشنر نے تبدیل کیا، ہمارا مطالبہ ہے چیف الیکشن کمشنر کا احتساب کیا جائے۔

صوبائی مشیر اطلاعات کا مزید کہنا تھا کہ پارلیمان کو غیر پارلیمانی اور آئین کو غیر آئینی طریقے سے استعمال کیا جا رہا ہے، ہم چیف جسٹس کی توسیع کسی صورت برداشت نہیں کریں گے، اگر توسیع ایک گھنٹے کیلئے بھی کی گئی تو ہم سڑکوں پر ہوں گے، تم سے سپریم کورٹ کنٹرول نہیں ہوگی وہ آزاد ادارہ ہے، آئین اور جمہوریت کو بدنام نہ کریں۔

پی ٹی آئی جلسے کے نزدیک،ہوٹل،ریسٹ ہاؤس بند،شرکاء کو کھانا،رہائش دینے پر پابندی

ویب ڈیسک: اسلام آباد کے علاقے سنگجانی میں آج ہونے والے پی ٹی آئی جلسے کے پیشِ نظر جلسہ گاہ کے اطراف تمام ہوٹل، دکانیں اور گیسٹ ہاؤس بند رکھنے کا حکم دے دیا گیا۔

ذرائع کے مطابق سنگجانی پولیس کی جانب سے آج سے 9 ستمبر تک سنگجانی میں ہوٹل، گیسٹ ہاؤس اور ریسٹورنٹ بند رکھنے کے احکامات جاری کیے گئے ہیں، اس دوران کسی بھی شخص کو رہائش، کھانا یا کسی قسم کا سامان نہیں دیا جائے گا۔

تحریک انصاف جلسہ گاہ کے اطراف ہوٹل اور دکانیں بند کرنے کا نوٹس بھی جاری کردیا گیا ہے، نوٹس میں کہا گیا ہے کہ کسی بھی شخص کو رہائش، کھانا یا کوئی اور سہولت فراہم نہ کی جائے۔

تھانہ سنگجانی کی جانب سے جاری کردہ نوٹس کے مطابق یہ بھی کہا گیا ہے کہ خلاف ورزی کی صورت میں قانونی کارروائی کی جائے گی۔

خیال رہے کہ آج تحریک انصاف قیادت نے اسلام آباد میں پاور شو کا اعلان کر رکھا ہے۔ انتظامیہ کی طرف سے 40 شرائط کے بعد پی ٹی آئی جلسے کے لیے این او سی جاری کیا گیا ہے۔

عظمیٰ بخاری کی پریس کانفرنس پر ریسکیو1122 خیبرپختونخوا کا ردعمل

ویب ڈیسک: ترجمان پنجاب حکومت اور لیگی رہنما عظمیٰ بخاری کی پریس کانفرنس پر ریسکیو 1122 خیبرپختونخوا نے ردعمل دیا ہے۔

تفصیلات کے مطابق ریسکیو1122 خیبرپختونخوا حکام کا کہنا ہے کہ ریسکیو1122 کے وسائل ایمرجنسی کے لیے استعمال ہورہے ہیں۔ یہ تاثر دینا غلط ہے کہ وسائل کسی سیاسی مقاصد کے لیے استعمال ہورہے ہیں۔

حکام نے بتایا کہ تمام گاڑیاں اور اہلکار کسی بھی ایمرجنسی سے نمٹنے کے لیے تعینات کئے گئے ہیں۔ میڈیا پر غلط خبروں کی تردید کرتے ہے۔ ریسکو1122 اہلکار اپنی ڈیوٹی سرانجام دے رہے ہیں۔ 

ریسکیو1122 حکام نے واضح کیا کہ ریسکیو1122 ٹیموں کا مقصد ایمرجنسی سروسز فراہم کرنا ہے۔

پی ٹی آئی جلسہ،صوابی میں پولیس اہلکار تعینات،سکیورٹی کے سخت انتظامات

ویب ڈیسک: پاکستان تحریکِ انصاف (پی ٹی آئی) کے جلسے کے لیے صوابی میں 819 پولیس اہلکار تعینات کیے گئے ہیں۔

تفصیلات کے مطابق پولیس حکام کا کہنا ہے کہ تعینات کیے گئے اہلکاروں میں 631 کانسٹیبلز اور 27 اے ایس آئیز شامل ہیں۔

پولیس حکّام نے بتایا کہ تمام متعلقہ ڈی ایس پی، ایس پیز اور ٹریفک پولیس بھی ذمے داریاں انجام دیں گے۔

پولیس کے مطابق مردان، صوابی اور چارسدہ سے بھی اہلکاروں کو طلب کیا گیا ہے۔

پولیس حکّام نے بتایا کہ وزیرِ اعلیٰ اور وزراء کے ساتھ اپنے اپنے سیکیورٹی اسکواڈ ہوں گے، اہلکاروں کو امن و امان کی صورتِ حال برقرار رکھنے کے لیے  تعینات کیا گیا ہے۔

مرکزی رہنما پی ٹی آئی میاں محمود الرشید کا بیٹا حسن محمود گرفتار

ویب ڈیسک: تحریک انصاف کے اسلام آباد جلسہ میں نئی پیشرفت سامنے آگئی ہے۔ وفاقی پولیس کی جانب سے پارٹی رہنماؤں اور کارکنوں کی گرفتاریوں کا سلسلہ شروع ہے۔ 

تفصیلات کے مطابق  رہنما پی ٹی آئی میاں محمود الرشید کے بیٹے ڈاکٹر حسن محمود کو گرفتار کرلیا گیا۔ ڈاکٹر حسن محمود کو اسلام آباد میں داخلے کے وقت گرفتار کیا گیا ہے۔

میاں محمود الرشید کے بیٹے حسن محمود کو تھانہ سنگجانی منتقل کردیا گیا ہے۔ ڈاکٹر حسن محمود ساتھیوں کے ہمراہ سنگجانی جلسہ گاہ جارہے تھے۔

میاں محمود الرشید پہلے ہی کیمپ جیل میں پابند سلاسل ہیں۔ میاں محمود الرشید کے بیٹے کو تھانہ سنگجانی منتقل کر دیا گیا ہے۔

جلسہ گاہ کے اطراف میں پولیس نے سول کپڑوں میں ملبوس اہلکاروں کو تعینات کر دیا ہے۔

پی ٹی آئی جلسہ: اسلام آباد میں کون سے راستے کھلے اور کون سے بند ہیں؟

ویب ڈیسک:اسلام آباد میں پاکستان تحریک انصاف (پی ٹی آئی) کے جلسے کی وجہ سے اسلام آباد اور راولپنڈ کے متعدد راستے بند ہیں۔

اسلام آباد کو 29 مقامات کوسیل کردیا گیا، نیو مارگلہ روڈ، زیرو پوائنٹ، فیصل چوک، بری امام کراس کو بند کر دیا گیا جبکہ ایکسپریس وے، میرٹ ہوٹل چوک، نادرا چوک، ایکسپریس چوک کو سیل کر دیا گیا۔

اس کے علاوہ سیکرٹریٹ چوک، فاٹا ہاوس، ترامڑی چوک، شاہ پور اوربنی گالہ روڈ کو سیل کر دیا گیا جبکہ فیض آباد، نائیتھ ایونیو،گولڑہ موڑ، موٹر وے ٹول پلازہ اور ترنول پاٹک کو سیل کر دیا گیا۔

اس کے علاوہ فیڈر روٹس اور پنک بس سروس بھی بند ہیں، اسلام آباد ایکسپریس وے کے دونوں اطراف اور لہتراڑ روڈ سے کھنہ پل پر راستہ بند ہے۔

سری نگر ہائی وے دونوں اطراف ٹریفک کے لیے کھلی ہے، اسلام آباد ائیرپورٹ جانے اور واپس آنے کے لیے سری نگر ہائی وے کا استعمال کیا جا سکتا ہے۔

راولپنڈی ریلوےاسٹیشن سے سری نگر ہائی وے، فقیر ایپی روڈ، آئی جے پی روڈ سے پشاور روڈ تک جا سکتے ہیں، اسلام آباد پہنچنے کے لیے بھارہ کہو کا داخلی راستہ سترہ میل پر بند ہے۔

ٹیکسلا سے جی ٹی روڈ سنگجانی پوائنٹ پر جی ٹی روڈ دونوں اطراف کی ٹریفک کے لیے بند ہیں، ہفتہ وار لگنے والا اتوار بازار معمول کے مطابق کھلا ہے۔

ریڈ زون میں آنے جانے کے لیے مارگلہ روڈ استعمال کیا جا سکتا ہے، دیگر تمام داخلی اور خارجی راستے بند ہیں۔

موٹروے ایم 1 اور ایم 2 ٹریفک کے لیے کھلی ہیں ،سری نگر ہائی وے سے موٹروے تک راستہ کھلا ہے۔

اس کے علاوہ موٹروے ایم 2 اسلام آباد جانے والی سائیڈ بند کردی گئی ہے، موٹروے ایم 2 لاہور جانے والی لین ٹریفک کے لیے کھلی ہے، کلرکہار، بلکسر اور نیلا دلہہ انٹرچینج پر رکاوٹیں کھڑی کر دی گئی ہیں۔

پولیس کی بھاری نفری موٹروے انٹرچینجز پر تعینات ہے جبکہ سڑکوں کی بندش کی وجہ سے اسلام آباد جانے والے مسافروں کو سفری مشکلات درپیش ہیں۔

اسلام آباد میں پی ٹی آئی کے جلسے کے پیشِ نظر میٹرو بس سروس مکمل طور پر بند

ویب ڈیسک: اسلام آباد کے علاقے سنگجانی میں پاکستان تحریک انصاف (پی ٹی آئی) کے جلسے کے پیشِ نظر میٹرو بس سروس مکمل بند کردی گئی۔

تفصیلات کے مطابق وفاقی دارالحکومت کے علاقے سنگجانی میں آج پی ٹی آئی کو دوپہر کے جلسے کی اجازت دی گئی ہے، جلسے کی سیکیورٹی کو مدِ نظر رکھتے ہوئے راولپنڈی اسلام آباد میں سیکیورٹی ہائی الرٹ ہے۔

اس حوالے سے میٹرو بس انتظامیہ کے مطابق بس سروس راولپنڈی صدر اسٹیشن سے پاک سیکریٹریٹ تک بند کی گئی ہے۔

راولپنڈی کی مرکزی شاہراہ فیض آباد کے مقام پر بھی میٹرو بس سروس مکمل سیل کردی گئی ہے۔

پی ٹی آئی جلسے کو مدِ نظر رکھتے ہوئے انتظامیہ نے اسلام آباد ایکسپریس وے کو مختلف مقامات پر ٹریفک کے لیے بند کر دیا گیا۔

اس حوالے سے انتظامیہ کا کہنا ہے کہ جڑواں شہروں کو ملانے والے متبادل راستے کھلے ہوئے ہیں۔

پی ٹی آئی کا جلسہ تاخیر کا شکار، کارکنوں کی آمد جاری، راستے سیل، موبائل سروس معطل

ویب ڈیسک: پاکستان تحریک انصاف (پی ٹی آئی) آج اسلام آباد میں جلسہ کرنے جارہی ہے، جس کی تیاریاں مکمل کرلی گئی ہیں، شہر کے بیشتر داخلی اور خارجی راستے کنٹینرز لگا کر بند کر دیے گئے جبکہ جلسہ گاہ سے ہینڈ گرنیڈ، راکٹ لانچر، ڈیٹونیٹر اور بم برآمد کرلیے گئے۔اسلام آباد کے علاقے سنگجانی میں پاکستان تحریک انصاف کا پنڈال سج گیا، جلسہ گاہ میں کارکنان کی آمد کا سلسلہ جاری ہے۔

تفصیلات کے مطابق تحریک انصاف آج اسلام آباد میں سیاسی قوت کا مظاہرہ کرے گی، سنگجانی کے قریب ہونے والے جلسے کی تیاریاں مکمل کرلی گئیں۔

جلسے کی سکیورٹی کے سخت انتظامات کیے گئے ہیں، شہر کے 29 مقامات سیل کردیے گئے، مختلف داخلی اور خارجی راستے کنٹینرز لگا کر بند کردیے گئے۔

جلسہ گاہ کی سکیورٹی کے لیے موبائل فون اورانٹرنیٹ کی سروس کو ڈاؤن کردیا گیا، میٹرو بس بند ہونے سے شہریوں کو مشکلات کا سامنا ہے، جلسہ گاہ سے بارودی مواد بھی برآمد کرلیا گیا۔

پی ٹی آئی قیادت
چیئرمین پی ٹی آئی بیرسٹر گوہر علی، حامد رضا سمیت دیگر پی ٹی آئی قیادت ایران ایونیو پر پہنچ گئی ،پی ٹی آئی قیادت کو راستے میں رکاوٹوں کے باعث جلسہ گاہ پہنچنے میں تاخیر کا سامنا ہے، کارکنان ہزاروں کی تعداد میں موجود ہیں۔

اس موقع پر بیرسٹر گوہر علی کا کہنا تھا کہ آج کا جلسہ تاریخی ہونے جا رہا ہے، جلسہ ایک گھنٹے تک شروع ہو جائے گا۔
کنٹینرز ہٹا دیئے
دوسری جانب شاہ اللہ دتہ کے مقام پر پی ٹی آئی کارکنوں نے کنٹینرز ہٹا دیئے، گاڑیوں کی ٹکر سے کنٹینرز سڑک سے نیچے گرا دیئے، کنٹینرز سڑک سے ہٹا کر مارگلہ ایوینیو کھول دیا گیا، مارگلہ ایوینیو سے ٹریفک سنگجانی کی جانب رواں دواں ہے۔

پشاور روڈ پر 26 نمبر چونگی پھر بند
پشاور روڈ پر 26 نمبر چونگی تھوڑی دیر کھولنے کے بعد پھر بند کردی گئی، موٹروے سے آنے والی ٹریفک کا 26 نمبر چونگی سے اسلام آباد داخلہ بند ہے، فیض آباد، راولپنڈی سٹیڈیم روڈ اور آئی جی پی سے نائنتھ ایونیو بھی تاحال بند ہے۔
آئی جے پی روڈ سے متصل داخلی گلیوں پر رکاوٹیں کھڑی کردی گئیں، بعض مقامات پر شہریوں نے کنٹینرز پیچھے دھکیل دیئے ،راستوں کی بندش کے باعث جڑواں شہروں میں لوگوں کو شدید مشکلات کا سامنا ہے۔

علی امین گنڈا پور

وزیر اعلیٰ خیبرپختونخوا علی امین گنڈا پور بھی پشاور سے اسلام آباد کے لیے روانہ ہو گئے، وزیر اعلیٰ قافلوں کے پیچھے پیچھے جارہے ہیں۔

ترجمان وزیر اعلیٰ پختونخوا کا میڈیا سے گفتگو کرتے ہوئے کہنا تھا کہ کوشش کر رہے ہیں وزیر اعلیٰ قافلوں سے آگے نکل جائیں، علی امین گنڈا پور دیر ہونے کی وجہ سے میڈیا سے گفتگو کئے بغیر اسلام آباد کے لیے نکل گئے ہیں۔

جلسہ گاہ کے اطرف تمام ہوٹل، گیسٹ ہاؤس بند رکھنے کا حکم
ذرائع کے مطابق سنگجانی پولیس کی جانب سے آج سے 9 ستمبر تک سنگجانی میں ہوٹل، گیسٹ ہاؤس اور ریسٹورنٹ بند رکھنے کے احکامات جاری کئے گئے ہیں، اس دوران کسی بھی شخص کو رہائش، کھانا یا کسی قسم کا سامان نہیں دیا جائے گا۔

تحریک انصاف جلسہ گاہ کے اطراف ہوٹل اور دکانیں بند کرنے کا نوٹس بھی جاری کر دیا گیا ہے، نوٹس میں کہا گیا ہے کہ کسی بھی شخص کو رہائش، کھانا یا کوئی اور سہولت فراہم نہ کی جائے۔

تھانہ سنگجانی کی جانب سے جاری کردہ نوٹس کے مطابق یہ بھی کہا گیا ہے کہ خلاف ورزی کی صورت میں قانونی کارروائی کی جائے گی۔

میٹروبس سروس بند

علاوہ ازیں اسلام آباد کے علاقے سنگجانی میں پی ٹی آئی کے جلسے کے پیشِ نظر میٹرو بس سروس مکمل بند کر دی گئی، انتظامیہ کے مطابق میٹرو بس سروس راولپنڈی صدر سٹیشن سے پاک سیکرٹریٹ تک بند کی گئی ہے۔

موبائل انٹرنیٹ سروس سست
پی ٹی آئی کے سیاسی پاور شو کے پیش نظر جڑواں شہروں میں موبائل انٹرنیٹ سروس بھی سست ہوگئی، انٹرنیٹ سروس کی سست روی کے باعث صارفین کو مشکلات کا سامنا ہے۔

قبل ازیں چیئرمین تحریک انصاف بیرسٹر گوہر، عمر ایوب، اسد قیصر، محمود اچکزئی نے جلسہ گاہ کا دورہ کیا اور انتظامات کا جائزہ لیا۔

محموداچکزئی

محمود اچکزئی نے کہا کہ سب چاہتے ہیں ملک بحرانوں سے باہر نکلے، نواز شریف سمجھ گئے ہیں، ملک کو بحرانوں سے نکالنے کیلئے مل بیٹھنا ہوگا، بغیر انصاف کے دنیا کا کوئی نظام نہیں چل سکتا، بانی پی ٹی آئی نے اگر غلط کام کیا تو یہ لوگ کیوں دہرا رہے ہیں؟

اسد قیصر

اسد قیصر کا کہنا تھا کہ ملک کو غاصبوں سے نجات دینے کیلئے سب کو نکلنا ہوگا،عدلیہ پر وار کیا گیا تو یہ پاکستان کیلئے بڑا المیہ ہوگا، ہمارے ایم این ایز اور سینیٹرز کو دباؤ میں لایا جا رہا ہے، یہ قانون سازی کر رہے ہیں یا من مانی کر رہے ہیں؟

جلسہ گاہ سے ہینڈ گرنیڈ، راکٹ لانچر، ڈیٹونیٹر اور بم برآمد

اسلام آباد کے علاقے سنگجانی میں پاکستان تحریک انصاف کے جلسہ گاہ سے بارودی مواد برآمد ہوا ہے، جس میں دستی بم اور دھماکا خیز مواد شامل ہیں۔

پولیس کا کہنا ہے کہ بیگ سے ہینڈ گرینیڈ، راکٹ لانچر، ڈیٹونیٹر اور بم برآمد ہوا ہے، بم ڈسپوزل اسکواڈ نے موقع پر پہنچ کر تحقیقات شروع کردیں۔

اس کے علاوہ پولیس کی بھاری نفری کو بھی جلسے کے ارد گرد تعینات کردیا گیا۔

پی ٹی آئی کے جلسے کے باعث اسلام آباد کی ضلعی انتظامیہ کی ہدایت پر ضلع بھر میں سیکیورٹی ریڈ الرٹ کر دی گئی، امن وعامہ کی صورتحال کو برقرار رکھنے کے لیے مختلف مقامات پر کنٹینرز پہنچا دیے گئے۔

اسلام آباد میں ریڈ زون کے تمام داخلی اور خارجی راستوں کو کنٹینرز کی مدد سے بند کر دیا گیا، ریڈ زون داخلے کے لیے متعلقہ افراد کو مارگلہ روڈ کے راستے سے جانے کی اجازت ہوگی۔

جلسے سے قبل سنگجانی کے مقام پر کنٹینرز رکھ کر جی ٹی روڈ کو دونوں اطراف سے ٹریفک کے لیے بند کر دیا گیا جبکہ موٹر وے 26 نمبر چونگی پر اسلام آباد کے داخلی راستے بند کر دیے گئے۔

ایکسپریس ہائی وے کھنہ پل کے مقام پر کنٹینر لگا دیے گئے، گاڑیوں کی لمبی قطاریں

اس کے علاوہ ایکسپریس ہائی وے کھنہ پل کے مقام پر کنٹینر لگا دیے گئے جس کے باعث اسلام آباد سے روات جانے والی ایکسپریس وے پر ہیوی ٹریفک جام ہوگئی جبکہ روات کی جانب سے اسلام آباد جانے والی ایکسپریس وے مکمل بند کردی گئی۔

ایکسپریس ہائی وے کی بندش سے گاڑیوں کی لمبی قطاریں لگ گئیں، جس کے باعث شہریوں کو شدید مشکلات کا سامنا کرنا پڑ رہا ہے، دیگر شہروں سے آنے والے کارکنان موٹروے کے ذریعے آئیں گے۔

مری روڈ کو فیض آباد کے مقام پر کنٹینرز لگا کر بند کر دیا گیا، روات ٹی چوک سے راولپنڈی آنے والے راستوں کو کنٹینرز لگا کر بند کر دیا گیا جبکہ فیض آباد انٹرچینج کو بھی مکمل طور پر سیل کردیا گیا۔

ایس او پیز کی خلاف ورزی ہوگی تو قانون حرکت میں آئے گا، ڈپٹی کمشنر اسلام آباد

دپٹی کمشنر اسلام آباد عرفان نواز میمن نے کہا کہ پی ٹی آئی کو 40 شرائط پر جلسے کی اجازت دی ہے، اگر ایس او پیز کی خلاف ورزی ہوگی تو قانون حرکت میں آئے گا، پی ٹی آئی کو شام 4 بجے سے 7بجے تک جلسے کی اجازت دی گئی ہے، جلسے میں کوئی ریاست مخالف نعرہ نہیں لگے گا۔

ڈی سی اسلام آباد نے کہا کہ جلسے میں کسی کو اسلحہ لیکر آنے کی اجازت نہیں ہوگی، اسٹیج پر بیٹھنے والے افراد کی لسٹ انتظامیہ کو فراہم کرنا ہوگی، ملک بھر سے آنے والوں کے لیے روٹ متعین کیے گئے ہیں، امید ہے پی ٹی آئی ایس او پیز کی خلاف ورزی نہیں کرے گی۔

ادھر خیبر پختونخوا اور پنجاب کے باڈر اٹک خورد پولیس چیک پوسٹ پر کنٹینرز پہنچا دیے گئے۔

وزیراعلی خیبرپختونخوا کے مشیر بیرسٹر سیف 

وزیراعلی خیبرپختونخوا کے مشیر بیرسٹر سیف نے اس خدشے کا اظہار کیا کہ حکومت جلسے سے پہلے این او سی منسوخ کرنے کی کوشش کرے گی، ہمیں خدشہ ہے کہ انتظامیہ جلسے کی راہ میں رکاوٹ ڈالے گی مگر این او سی منسوخ ہوا بھی تو جلسہ ہوگا۔

میٹرو بس سروس بند
علاوہ ازیں اسلام آباد کے علاقے سنگجانی میں پی ٹی آئی کے جلسے کے پیشِ نظر میٹرو بس سروس مکمل بند کر دی گئی۔

میٹرو بس انتظامیہ کے مطابق میٹرو بس سروس راولپنڈی صدر سٹیشن سے پاک سیکرٹریٹ تک بند کی گئی ہے۔

سنگجانی جلسہ: ہوٹل مالکان کو 9 ستمبر تک ہوٹل بند رکھنے کے احکامات
پی ٹی آئی کے سنگجانی میں ہونے والے جلسے کے پیش نظر اسلام آباد کی انتظامیہ نے ہوٹل مالکان کو 9 ستمبر تک ہوٹل بند رکھنے کے احکامات جاری کردیے۔

جلسے کے پیشِ نظر سنگجانی ایریا میں ہوٹل گیسٹ ہاؤس اور کٹیرنگ مالکان کو نوٹس دیے گئے ہیں، نوٹس کے مطابق سنگجانی میں ہوٹل، گیسٹ ہاؤس اور کٹیرنگ کی دکانیں بند رہیں گی، جلسے کے لوگوں کو کوئی رہائش اور کھانا نہ دیا جائے،

بیرسٹر گوہر، عمر ایوب، اسد قیصر، محمود اچکزئی کا جلسہ گاہ کا دورہ
دوسری جانب چیئرمین تحریک انصاف بیرسٹر گوہر، عمر ایوب، اسد قیصر، محمود اچکزئی نے جلسہ گاہ کا دورہ کیا اور انتظامات کا جائزہ لیا۔

چیئرمین بیرسٹرگوہر نے کہا کہ جلسے سے پہلے جلسہ شروع ہوچکا ، ان کے اتحادی بھی جلسے میں شریک ہوں گے، سنگجانی کے مقام پر اسلام آباد کا سب سے بڑا جلسہ منعقد ہوگا، انتظامیہ کا مشکور ہوں جنہوں نے این او سی دیا، جلسہ پرامن ہوگا، لانگ مارچ نہیں ہوگا، جلسہ عدلیہ کی آزادی کیلئے ہوگا، بانی پی ٹی آئی عمران خان آپ کی آزادی کی وجہ سے جیل میں ہیں۔

قومی اسمبلی میں اپوزیشن لیڈر عمر ایوب نے کہا کہ جلسے میں رکاوٹ ڈالنے کے لیے نئی جگہ کا این او سی جاری کیا گیا، جیسے بھی ممکن ہو کارکن پہنچیں۔

سابق وزیر خارجہ شاہ محمود قریشی نے کہا کہ آج جلسہ ہرصورت ہوگا جبکہ وزیراعلی خیبرپختونخوا نے ہر رکن اسمبلی کو ایک ہزار کارکن ساتھ لانے کی ہدایت کی ہے، ضلعی انتظامیہ جلسے گاہ آنے کا روٹ پلان جاری کرچکی ہے۔

محمود اچکزئی نے کہا کہ سب چاہتے ہیں ملک بحرانوں سے باہر نکلے، نواز شریف سمجھ گئے ہیں، ملک کو بحرانوں سے نکالنے کے لیے مل بیٹھنا ہوگا، بغیر انصاف کے دنیا کا کوئی نظام نہیں چل سکتا، بانی پی ٹی آئی نے اگر غلط کام کیا تو یہ لوگ کیوں دہرا رہے ہیں؟

اسد قیصر کا کہنا تھا کہ ملک کو غاصبوں سے نجات دینے کے لیے سب کو نکلنا ہوگا،عدلیہ پر وار کیا گیا تو یہ پاکستان کیلئے بڑا المیہ ہوگا، ہمارے ایم این ایز اور سینیٹرز کو دباؤ میں لایا جا رہا ہے، یہ قانون سازی کر رہے ہیں یا من مانی کر رہے ہیں؟

پی ٹی آئی جلسہ، صوابی میں 819 پولیس اہلکار تعینات، ٹریفک پلان مرتب
ادھر پاکستان تحریک انصاف کے جلسے کے لیے صوابی میں 819 پولیس اہلکار تعینات کردیے گئے جبکہ پولیس نے ٹریفک پلان بھی مرتب کرلیا۔

پولیس حکام کے مطابق جلسے کے لیے تعینات اہلکاروں میں 631 کانسٹیبلز اور 27 اے ایس آئیز شامل ہیں، تمام متعلقہ ڈی ایس پی اور ایس پیز بھی زمہ داریاں انجام دیں گے، ٹریفک پولیس اہلکار بھی جلسے میں خدمات انجام دیں گے۔

پولیس کا کہنا ہے کہ جلسے کے لیے مردان، صوابی اور چارسدہ سے بھی اہلکاروں کو طلب کیا گیا ہے، تمام اضلاع میں قافلوں کی روانگی کے لیے پولیس نے سیکیورٹی پلان مرتب کیا ہے، وزیراعلیٰ اور وزرا کے ساتھ اپنے اپنے سیکیورٹی اسکواڈ ہوں گے، امن و امان کی صورتحال برقرار رکھنے کے لیے اہلکاروں کو تعینات کیا گیا ہیں۔

پی ٹی آئی کا سنگجانی میں جلسہ: صوابی انٹر چینج پر استقبالیہ کیمپ لگا دیا گیا
پاکستان تحریک انصاف کا اسلام آباد سنگجانی میں جلسے کے پیش نظر پی ٹی آئی کی جانب سے صوابی انٹر چینج پر استقبالیہ کیمپ لگا دیا گیا۔

خیبرپختونخوا کے دیگر اضلاع سے آنے والے قافلوں کے لیے کرسیاں لگا دی گئی جبکہ پی ٹی آئی جلسے کے لیے سرکاری وسائل کا بے دریغ استعمال کیا گیا۔

خیبرپختونخوا کے مختلف اضلاع سے سرکاری مشینری استقبالیہ کیمپ پر پہنچا دی گئی، ریسکیو 1122 کی گاڑیوں پر سفید اسٹیکرز لگا کر چپکا دی گئی جبکہ ضلع بھر کے 4 ٹی ایم اے کے اہلکار مصروف ہیں۔

جلسے کے لیے راستے میں حائل رکارٹوں کو دور کرنے کے لیے بڑی بڑی مشینری موجود ہیں، جلسے کے لیے جانے سے پہلے وزیراعلی خیبر پختونخوا علی امین گنڈا وپر خطاب کریں گے، جلسے کے لیے جانے والے قافلوں کی قیادات وزیراعلیٰ کریں گے۔

پشاور سے پی ٹی آئی قافلوں کی روانگی کی تفصیل جاری
پشاور سے پاکستان تحریک انصاف (پی ٹی آئی) کے قافلوں کی روانگی کی تفصیل جاری کردی گئی، پی ٹی آئی جلسے کے لیے پشاور کے تمام حلقوں سے قافلے 11 بجے کے بعد روانہ ہوں گے، پی ٹی آئی کارکن کچھ دیر میں اپنے اپنے حلقوں میں جمع ہوں گے اور 3 بجے سے پہلے صوابی پہنچیں گے۔

ضلعی صدر عرفان سلیم کی قیادت میں قافلہ احسان اسٹریٹ اتحاد کالونی سے روانہ ہوگا، ریجنل صدر ارباب عاصم کی قیادت میں قافلہ حجرہ عاصم بہادر کلے سے روانہ ہوگا جبکہ ضلعی جنرل سیکرٹری ملک شہاب چمکنی کی قیادت میں قافلہ موٹر وے چوک نادرن بائی پاس سے روانہ ہوگا۔

صوبائی وزیر مینا خان آفریدی کی قیادت میں قافلہ سپرئیر سائنس کالج سے روانہ ہوگا، ایم این اے شیر علی ارباب کی قیادت میں قافلہ حجرہ شیر علی ارباب تہکال سے روانہ ہوگا جبکہ صوبائی وزیر قاسم علی شاہ کی قیادت میں قافلہ پاکستان فلور مل مہمان خاص شادی ہال سے روانہ ہوگا۔

تیمور سلیم جھگڑا کی قیادت میں قافلہ ناصر باغ روڈ سے روانہ ہوگا، علی زمان ایڈووکیٹ کی قیادت میں قافلہ ارشد پلازہ شیروجنگی سٹاپ چارسدہ روڈ سے روانہ ہوگا، ایم پی اے شیر علی آفریدی کی قیادت میں قافلہ زنگلی نہر کوہاٹ روڈ سے روانہ ہوگا جبکہ ارباب جہانداد کی قیادت میں قافلہ نزد موٹر وے ٹول پلازہ سے روانہ ہوگا۔

اسی طرح ایم پی اے سمیع اللہ کی قیادت میں قافلہ حجرہ سمیع اللہ سے روانہ ہوگا، کامران بنگش کی قیادت میں قافلہ چمکنی حجرہ سے روانہ ہوگا جبکہ تحصیل چئیرمین انعام اللہ کی قیادت میں قافلہ بمقام پرائم ہسپتال ورسک روڈ سے روانہ ہوگا۔