ویب ڈیسک: امریکہ میں 30 سے زائد خبر رساں اداروں نے پینٹاگون کی نئی میڈیا پالیسی پر دستخط کرنے سے انکار کر دیا ہے۔
درجنوں صحافیوں نے امریکی محکمہ دفاع میں اپنے دفاتر خالی کر دیے اور پینٹاگون پریس کا علاقہ بھی ویران ہو گیا۔
میڈیا تنظیموں نے نئی پالیسی کو آزادی صحافت اور آزادانہ رپورٹنگ کے لیے خطرہ قرار دیا ہے۔ ایک بیان میں کہا گیا ہے کہ پابندیاں امریکی فوج کی رپورٹنگ سے نہیں روک سکتیں۔ پینٹاگون پریس ایسوسی ایشن نے اسے آزادی صحافت کے لیے یوم سیاہ قرار دیا۔
دوسری جانب پینٹاگون کے ترجمان نے دعویٰ کیا کہ نئی میڈیا پالیسی قومی سلامتی کے مفاد میں ہے۔
یاد رہے کہ پینٹاگون نے میڈیا کو حساس مواد شائع نہ کرنے کا حلف نامہ دینے کا پابند کیا تھا۔ تاہم بعد میں حلف نامے کی جگہ اعترافی الفاظ کو ہدایات کا حصہ بنا دیا گیا۔
کل، ABC، CBS، CNN، NBC اور Fox News نے ایک مشترکہ بیان جاری کیا جسے CNN کمیونیکیشنز کے سوشل میڈیا اکاؤنٹ پر شیئر کیا گیا۔ ایجنسیوں نے کہا کہ نئے قوانین سے صحافیوں کی ملک اور دنیا کو اہم قومی سلامتی کے مسائل سے آگاہ رکھنے کی صلاحیت محدود ہو جائے گی۔