ویب ڈیسک: ریحانہ ڈار کا خواجہ آصف کو ہائیکورٹ میں سامنا کرنے کا چیلنج، کہا خواجہ آصف تمہیں کرسی تو مل گئی ساتھ ذلت بھی ملی ہے، اگر تم فارم 45 کے مطابق فتح یاب ہوئے تو اپنے ہاتھوں سے تمہیں جیت کا ہار پہناؤں گی۔
تفصیلات کے مطابق این اے 71 کی امید وار ریحانہ ڈار نے کہا ہے کہ خواجہ آصف نے عوام کے حق پر ڈاکہ ڈالا ہے۔ این اے 71 کی امید وار ریحانہ ڈار نے میڈیا سے گفتگو کرتے ہوئے کہا کہ عوام کا سمندر ایک ماں کے ساتھ ہے، کارکن چور چور کے نعرے لگا رہے ہیں،خواجہ آصف تمہیں شرم آنی چاہئے، میں ہائیکورٹ میں اصل فارم 45 ساتھ لے کر جاؤں گی۔
ریحانہ ڈار نے کہا کہ اگر تم فارم 45 کے مطابق فتح یاب ہوئے تو اپنے ہاتھوں سے تمہیں جیت کا ہار پہناؤں گی، ماں کا تمہیں ایک بار پھر چیلنج ہے، میرا ہائیکورٹ میں سامنا کرو، مجھے اللہ تعالیٰ نے عزت دی ہے، میں مادر ملت کا ایوارڈ وصول کرنے کراچی جا رہی ہوں۔