ویب ڈیسک: الیکشن کمیشن آف پاکستان (ای سی پی) کے باہر شکایات سیل قائم کر دیا گیا۔
تفصیلات کے مطابق اس حوالے سے الیکشن کمیشن کا کہنا ہے کہ شکایات سیل میں چاروں صوبوں کے علیحدہ علیحدہ کاؤنٹرز قائم کیے گئے ہیں۔
الیکشن کمیشن نے کہا کہ شکایات سیل انتخابی نتائج سے متعلق قائم کیے گئے ہیں، درخواست گزار اپنے اپنے حلقے سے متعلق معلومات لے سکیں گے۔
دوسری جانب الیکشن کمیشن میں انتخابی عذرداریاں دائر کرنے کا سلسلہ جاری ہے، الیکشن کمیشن آج 67 درخواستوں پر سماعت کرے گا جبکہ درخواستوں پر سماعت کے لیے 2 بینچ تشکیل دے دیے گئے ہیں۔
الیکشن کمیشن کا کہنا ہے کہ ممبر پنجاب اور ممبر خیبرپختونخوا پر مشتمل بینچ 29 درخواستوں پر جبکہ ممبر سندھ اور ممبر بلوچستان پر مشتمل بینچ 38 درخواستوں پر سماعت کرے گا۔
الیکشن کمیشن کے باہر شکایات سیل قائم
— Public News (@PublicNews_Com) February 12, 2024
شکایات سیل میں چاروں صوبوں کے علیحدہ علیحدہ کاؤنٹرز قائم
شکایات سیل انتخابی نتائج سے متعلق قائم کئے گئے ہیں
درخواست گزار اپنے اپنے حلقے سے متعلق معلومات لے سکیں گے #PublicNews #PublicUpdates #Elections2024 #ElectionCommission pic.twitter.com/W2HtuGBsKi