(ویب ڈیسک)پانی اور خشکی پر لاتعداد قسم کے خونخوار جانور پائے جاتے ہیں جو پرندوں اور چھوٹے جانور کواپنا لقمہ بناتے ہیں مگر کچھ ایسے بھی ہیں جو انسانوں کو اپنا شکار کرتے ہیں، ان میں ایک قسم تیندوے کی ہے، سوشل میڈیاپر ایسی ہی ویڈیو وائرل ہوئی جس نے دیکھنے والوں کے ہوش اڑا دیے۔
تفصیلات کےمطابق بھارتی ریاست جےپور کے لگژری ہوٹل میں ایک جنگلی تیندوے گھس گیا جس کے باعث پورے ہوٹل میں مقیم لوگوں اور انتظامیہ میں خوف وہراس پھیل گیا، واقعہ کی ویڈیو بھی سوشل میڈیا پر وائرل ہوچکی ہے۔
ہوٹل کے ترجمان نے آنکھوں دیکھا حال بناتے ہوئے کہا کہ تیندوا صبح کے وقت سٹاف روم میں داخل ہوا تھا ، فوراً محکمہ جنگلات کو رپورٹ کیا جنہوں نے بروقت کارروائی کرتے اس کو ریسکیو کیا۔
محکمہ جنگلات کے رہنما کا کہناتھا کہ تیندوا صبح کے وقت جنگل سے بھٹک کر ہوٹل کے عملے کے کمرے میں داخل ہوا تھا، تیندوے کو ابتدائی طبی امداد کے بعد واپس جنگل میں چھوڑ دیا جائے گا۔
انہوں نے بتایا کہ تیندوے کے کمرے میں داخل ہونے کے وقت کوئی موجود نہیں تھا جس کی وجہ سے کسی کو کوئی نقصان نہیں پہنچا۔
Inside Ratan Singh, the driver's room at @KanotaHotels
— Kaveri ???????? (@ikaveri) January 18, 2024
Castle Kanota.
Chased in there by their hound Gallop. It's a juvenile. The forest department must have rescued him by now. #Jaipur pic.twitter.com/og8X99mtt8