Get Alerts

ویڈیوز؛ ایران کا آپریشن ’بشارت الفتح‘ کا آغاز، قطر، عراق میں امریکی اڈوں پر میزائل داغ دیے

ویڈیوز؛ ایران کا آپریشن ’بشارت الفتح‘ کا آغاز، قطر، عراق میں امریکی اڈوں پر میزائل داغ دیے

ویب ڈیسک: قطر کے دارالحکومت دوحہ میں دھماکے، ایران نے 6 میزائل قطر میں امریکی فوجی اڈے پر داغے دیے، حملوں کی ویڈیوز سوشل میڈیا پر وائرل ہوگئیں۔

عرب میڈیا کا کہنا تھا کہ دوحہ میں دھماکا سناگیا، آگ کے شعلے اٹھتے دکھائی دیئے ہیں، عراق میں امریکی ایئربیس عین الاسد نے فضائی دفاعی نظام کا فعال کردیا ہے، ایران کی جانب سے اس وقت جوابی کارروائی کی جارہی ہے  امریکی صدر ڈونلڈ ٹرمپ نے اعلان کرتے ہوئے کہا کہ زیرزمین بنکرز کو تباہ کرنے کے لئے کارروائی کی گئی تھی، قطر میں موجودہ امریکی اڈا مشرقی وسطیٰ میں امریکی فوج کا سب سے فوجی اڈا ہے۔ 

یہ میزائل قطر میں واقع امریکی ایئربیس العدید کو نشانہ بنانے کے لیے داغے گئے۔

ادھر عراق میں موجود امریکی اڈے عین الاسد پر بھی صورت حال کشیدہ ہے جہاں امریکی افواج نے فضائی دفاعی نظام کو فعال کرتے ہوئے اہلکاروں کو فوری طور پر بنکروں میں منتقل ہونے کی ہدایات جاری کی ہیں۔

ایرانی سرکاری ٹی وی کی رپورٹ میں کہا گیا ہے کہ قطر میں امریکی فوجی اڈوں کے خلاف آپریشن ’بشارت فتح‘ شروع کردیا گیا ہے۔

دوسری جانب وائٹ ہاؤس کا کہنا ہے کہ امریکی محکمہ دفاع اور وائٹ ہاؤس حکام صورت حال کا جائزہ لے رہے ہیں۔

امریکی میڈیا کا کہنا ہے کہ اس وقت امریکی صدر ڈونلڈ ٹرمپ اس وقت سچویشن روم میں ہیں اور صورت حال کو بغور دیکھ رہے ہیں۔

ایران کی پاسداران انقلاب نے تصدیق کرتے ہوئے کہا ہے کہ قطر میں امریکی اڈے پر تباہ کن اور مضبوط حملہ کیا ہے۔ ہم ایران پر کسی بھی حملے کا جواب دینے سے باز نہیں رہیں گے۔

ایران کی جانب سے قطر میں امریکی اڈے پر کیے گئے حملے سے قبل امریکا، برطانیہ اور چین نے اپنے شہریوں کو محفوظ مقامات پر رہنے کی ہدایت کی تھی۔

Watch Live Public News

شیئر کریں:

مزید خبریں

متعلقہ خبریں