(ویب ڈیسک ) امریکی صدر ٹرمپ کا کہنا ہے کہ اب چین ایران سے تیل خرید سکتا ہے۔
امریکی صدر ڈونلڈ ٹرمپ نے سوشل میڈیا پلیٹ فارم ٹروتھ سوشل پر ایک بیان میں کہا کہ " چین اب ایران سے تیل خرید سکتا ہے، اور امید ہے کہ وہ امریکا سے بھی بڑی مقدار میں تیل خریدے گا۔ یہ میرے لیے باعث فخر ہے کہ میں نے یہ ممکن بنایا!"
چین طویل عرصے سے امریکی پابندیوں کا شکار ایران کے ساتھ معاشی تعلقات کو فروغ دے رہا ہے۔
2021 میں چین نے ایران کے ساتھ 25 سالہ تعاون کا معاہدہ کیا، تاہم اس کی مکمل تفصیلات سامنے نہیں آئیں۔
ماضی میں بھی چین کی مختلف کمپنیوں نے ایران میں بڑے منصوبے کیے:
- 2016: چین کی قومی پیٹرولیم کمپنی (CNPC) نے فرانسیسی کمپنی ٹوٹل اور ایرانی ادارے کے ساتھ 4.8 ارب ڈالر کا معاہدہ کیا تاکہ خلیج میں "ساؤتھ پارس" گیس فیلڈ کو ترقی دی جا سکے۔ تاہم 2019 میں امریکی دباؤ پر CNPC نے منصوبہ چھوڑ دیا۔
- 2009: CNPC نے "نارتھ آزادگان" آئل فیلڈ پر کام کا معاہدہ کیا، جس کی پہلی فیز کی مالیت تقریباً 2 ارب ڈالر تھی۔ 2016 میں 2 ملین بیرل کی پہلی کھیپ چین بھیجی گئی۔
- 2018: چین کی نیشنل مشینری انڈسٹری کارپوریشن نے تہران سے مغربی ایران تک ریلوے کی توسیع اور مرمت کے لیے 5.3 ارب یوان (738 ملین ڈالر) کا معاہدہ کیا۔اسی سال ایک اور معاہدے کے تحت 263 کلومیٹر لمبے ریلوے منصوبے پر 3.5 ارب یوان کی سرمایہ کاری کی گئی۔
- 2017: چین کی میٹالرجیکل کارپوریشن نے ایران کے "سپید دشت" اسٹیل پلانٹ میں 35 کروڑ ڈالر کی سرمایہ کاری کی اور ایک نئے پراجیکٹ کا ڈیزائن بھی تیار کیا۔