پنجاب کے ضمنی الیکشن میں سدھو موسے والا کی انٹری ، دلچسپ میمز

پنجاب کے ضمنی الیکشن میں سدھو موسے والا کی انٹری ، دلچسپ میمز
حال ہی میں بھارتی پنجاب میں قتل ہونے والے معروف گلوکار سدھو موسے والا کے پاکستانی سیاست میں چرچے شروع ہو گئے ہیں. ضمنی انتخاب کیلئے پی ٹی آئی کے امیدوار زین قریشی کے حلقے میں آویزاں ایک بینر سوشل میڈیا پر موضوع بحث بنا ہوا جس پر سوشل میڈیا صارفین دلچسپ تبصرے کر رہے ہیں. پی ٹی آئی امیدوار کی حمایت میں لگے ہوئے بینر پر سدھو موسے والا کا نام لکھا ہوا ہے ، جبکہ اسکے ساتھ 295 لکھا ہوا ہے. صحافی فرخ شہباز وڑائچ نے اس جانب توجہ مبذول کروائی اور ساتھ لکھا "شاہ محمود قریشی کے بیٹے زین قریشی ملتان سے الیکشن لڑ رہے ہیں بھارتی سنگر سدھو موسے والا کی تصاویر والے فلیکس حلقے میں آویزاں راشد مراد نے لکھا "الیکشن پاکستانی پنجاب کا ہے لیکن پی ٹی آئی جیتنے کے لئے انتخابی بینرز پر ہندوستانی پنجاب کے مقتول سنگر سِدّھو موسے والا کی تصویر استعمال کر رہی ہے" وسیم راجہ نے لکھا ن لیگ کی مشکلات بڑھتی جا رہی ہیں، ن لیگ کی قیادت ابھی تک جنرل ریٹائرڈ ظہیر الاسلام کو کاؤنٹر کرنے کی سٹریٹجی نہیں بنا پائی کہ شاہ محمود کا بیٹا ملتان میں سدھو موسے والا کو اپنی حمایت میں لے آیا . واضح رہے کہ پنجاب اسمبلی کی 20 نشستیں پی ٹی آئی ارکان کے انحراف کی وجہ سے خالی ہوئی تھیں جہاں ضمنی انتخاب 17 جولائی کو ہوں گے۔ ڈی سیٹ اراکین اسمبلی کی نشستوں پر تحریک انصاف اور پی ڈی ایم کی حمایت یافتہ جماعتوں کے درمیان مقابلہ متوقع ہے۔
شیئر کریں:

احمد علی

ایڈیٹر

احمد علی کیف نے یونیورسٹی آف لاہور سے ایم فل کی ڈگری حاصل کر رکھی ہے۔ پبلک نیوز کا حصہ بننے سے قبل 24 نیوز اور سٹی 42 کا بطور ویب کانٹینٹ ٹیم لیڈ حصہ رہ چکے ہیں۔

مزید خبریں

متعلقہ خبریں