ویب ڈیسک: امریکا میں ایک بس خوفناک ٹریفک حادثے کا شکار ہوگئی جس کے نتیجے میں 7 افراد ہلاک اور درجنوں زخمی ہوگئے۔
غیر ملکی میڈیا کے مطابق یہ واقعہ ریاست مسیسپی کے شہر وِکسبرگ میں پیش آیا، جہاں ایک بس الٹنے سے کئی زندگیاں ختم ہوگئیں۔
انتظامیہ کی جانب سے بتایا گیا کہ ایک بس درجنوں مسافروں کو لے کر اپنی منزل کی جانب رواں دواں تھی کہ بس سڑک سے موڑ کاٹتے ہوئے الٹ گئی۔
انتظامیہ کے مطابق حادثے میں 7 افراد ہلاک اور 37 زخمی ہوئے جنہیں فوری طبی امداد کیلئے ہسپتال منتقل کردیا گیا۔
انتظامیہ نے مزید بتایا کہ مرنے والوں میں ایک 6 سالہ بچہ اور ایک 16 سالہ لڑکا بھی شامل ہے جبکہ بس میں زیادہ تر مسافر لاطینی امریکا سے تعلق رکھتے تھے۔