(ویب ڈیسک ) این آئی سی وی ڈی نے بھارت سے واپس آنے والے بہن بھائی کے لیے مفت دل کی سرجری کی پیشکش کر دی۔
خیال رہے کہ 2 پاکستانی بچے، 9 سالہ عبداللہ اور 7 سالہ منسا، جو پیدائشی دل کی بیماری میں مبتلا ہیں، بھارتی اقدام کے بعد بچوں کو بغیرعلاج بھارت سے اچانک پاکستان واپس آنا پڑا۔
این آئی سی وی ڈی نے ایک اعلیٰ سطحی میڈیکل بورڈ تشکیل دیا ، جن کی جانب سے عبداللہ اور اس کی بہن کی حالت کا جائزہ لیا گیا۔ بورڈ میں ماہرامراض قلب اطفال، ماہر بیہوشی، اور سی ٹی اسکین کے ماہر شامل تھے۔
عبداللہ اور اس کی چھوٹی بہن کی سرجری این آئی سی وی ڈی کراچی میں کی جا سکتی ہے۔ این آئی سی وی ڈی ماہرین کا کہنا ہے کہ بیرون ملک علاج کی مزید ضرورت باقی نہیں رہی۔
بچوں کے والد کواین آئی سی وی ڈی کی سینئر میڈیکل ٹیم نے تفصیلی بریفنگ دی۔والد راولپنڈی میں آرمڈ فورسز انسٹیٹیوٹ آف کارڈیالوجی (AFIC) ماہرین سے رائے لینے کے لیے روانہ ہوگئے۔