اداکارہ نرگس پر بدترین تشدد، شوہر ماجد بشیر کا بیان بھی آگیا

ویب ڈیسک: اداکارہ نرگس پر شوہر کی جانب سے تشدد کا معاملہ،مقدمہ میں نامزد ملزم ماجد بشیر نے عبوری ضمانت کروالی،عدالت نے 18 اکتوبر تک عبوری ضمانت منظور کی۔

تفصیلات کےمطابق اپنے بیان میں سٹیج اداکارہ نرگس کے شوہرماجد بشیر کا کہناتھا کہ میری اہلیہ باکردار عورت ہے، جھگڑے ہر گھر میں ہوجاتے ہیں، میاں بیوی میں جھگڑے ہر گھر میں ہو جاتے ہیں,جھگڑا ہمارا ذاتی معاملہ ہے، نرگس ابھی بھی میرے نکاح میں ہے،کچھ لوگ اس واقعہ کو کردار کشی کے لئے استعمال کررہے ہیں ان خلاف قانونی کارروائی کروں گا۔ 

دوسری جانب انوسٹی گیشن پولیس نے اداکارہ کا میڈیکل مکمل کروا لیا، میڈیکل رپورٹ میں اداکارہ پر تشدد ثابت ہوا ہے، میڈیکل رپورٹ میں چہرے، گردن اور کمر پر تشدد کے نشانات پائے گئے۔

یاد رہے کہ گزشتہ روز لاہور  ڈیفنس سی کے علاقہ میں اداکارہ نرگس پر تشددکا واقعہ پیش آیا تھا, ماجد بشیر کے خلاف تھانہ ڈیفنس سی میں مقدمہ درج کیا گیا،مقدمے میں تشدد اور گن پوائنٹ پرجان سے مارنے کی دفعات کے تحت مقدمہ درج کیا گیا،پولیس نے مقدمے کے بعد ماجد بشیر کی گرفتاری کے لیے ٹیمیں تشکیل دے دی۔