ویب ڈیسک: انسدادِ دہشت گردی عدالت نے 26 نومبر کو 3 رینجزز اہلکاروں کی ہلاکت کے کیس میں ملزم ہاشم عباسی کی ضمانت منظوری کا تحریری فیصلہ جاری کردیا۔
تفصیلات کے مطابق انسدادِ دہشت گردی عدالت کے جج ابو الحسنات محمد ذوالقرنین نے تحریری فیصلہ جاری کیا۔
فیصلے میں کہا گیا ہےکہ بادی النظر میں ملزم ہاشم عباسی کے خلاف مزید انکوائری کا کیس ہے،شریک ملزمان کی ضمانت پر عدالتی ابزرویشن کا کوئی اثر نہیں ہو گا، عدالت کی ابزرویشن عمومی نوعیت کی ہے اور یہ صرف اس کیس کی حد تک ہے۔ملزم کے وکیل کا موقف ہے کہ ملزم کو غلط طریقے اس کیس میں ملوث کیا گیا ہے،وکیل کے مطابق ملزم کا کوئی کرمنل ریکارڈ موجود نہیں یہ من گھڑت کیس ہے۔
فیصلے میں کہا گیا ہےکہ پراسیکوٹر نے ضمانت کی مخالفت کرتے ہوئے کہا ملزم گھناؤنے جرم میں ملوث ہے،پراسیکوٹر کے مطابق ملزم کے عمل سے تین رینجرز اہلکاروں کی موت ہوئی،پراسیکوٹر کے مطابق ملزم کے خلاف کافی مواد موجود ہے،پراسیکوٹر کے مطابق ملزم کو شناخت پریڈ میں گواہ نے صحیح شناخت کیا،ریکارڈ کے مطابق ملزم ایف آئی آر میں نامزد نہیں۔
فیصلے میں مزیدکہا گیا ہےکہ بادی النظر میں ملزم کا کیس مزید انکوائری میں آتا ہے،ملزم کے حوالے سے کیس باقاعدہ شواہد کے جائزہ کے بعد ہی واضع ہو گا،پراسیکوشن عدالت کو مطمئن کرنے میں ناکامی رہی کہ ملزم ضمانت کی شرائط پر عمل نہیں کرے گا،کوئی امکان نہیں کہ ملزم انصاف کے نظام میں خلل ڈالنے کی کوشش کرے گا،ہاشم علی عباسی کی ضمانت 50 ہزار روپے کے مچلکوں کے عوض منظور کی جاتی ہے۔