ویب ڈیسک:(علی چودھری)چوکی ہلوکی پولیس کی کارروائی، گھروں میں کام کرنے کے بہانے وارداتیں کرنے والا گروہ کو گرفتار کرلیاگیا۔
تفصیلات کے مطابق ترجمان کا کہنا ہے کہ چوکی ہلوکی پولیس کی کارروائی سے نقب زن گروپ کے 2 ارکان کو گرفتار کر لیاگیا ہے،ملزمان کو خفیہ اطلاع پر خیابان امین سے حراست میں لیا گیا،ملزمان گھروں میں گھریلو اشیاء کی مرمت کیلئے جاتے اور موقع پاکر وارداتیں کرتے تھے،ملزمان مردوں کی غیر موجودگی میں خواتین کو یرغمال بناتے واردات کرکے فرار ہوجائے تھے۔
ترجمان پولیس کا کہنا ہے کہ ملزمان کے اڈے سے چوری شدہ 9 تولے سونے کے زیورات،موٹر سائیکل،چوری شدہ موبائل، نقدی، پستول اور دیگر گھریلو اشیاء بھی برآمد کی گئیں ہیں۔
ایس پی ماڈل کا کہنا ہےکہ ملزمان شکیل، عثمان کیخلاف مقدمہ درج کر کے تفتیش شروع کر دی گئی ہے،جرائم پیشہ عناصر کیخلاف انٹیلی جنس بیسڈ کارروائیاں جاری ہیں۔