ویب ڈیسک: پنجاب کے ضلع ملتان میں نجی ہاؤسنگ سوسائٹی میں 15 سالہ مزدور وسیم عباس کو گاڑی تلے کچل کر قتل کرنے کا واقعہ سامنے آیا ہے۔ پولیس نے ایک ملزم کو گرفتار کرلیا جبکہ دوسرا فرار ہوگیا۔
واقعے کی ویڈیو سوشل میڈیا پر وائرل ہوئی، جس میں لڑکے کو بھاگتے اور گاڑی کو اس کا پیچھا کرتے دیکھا جاسکتا ہے۔ گاڑی لڑکے پر چڑھ دوڑی، جس سے وہ موقع پر ہی جاں بحق ہوگیا۔
پولیس کے مطابق واقعے کا مقدمہ تھانہ ڈی ایچ اے میں قتل کی دفعات کے تحت درج کرلیا گیا ہے۔ ایف آئی آر میں توقیر نذیر اور امجد علی کو نامزد کیا گیا ہے۔
This disturbing CCTV footage from Multan shows a 15-year-old child chased down and crushed by a car. The men involved claimed that he was their house-help who had run away days earlier. After being hit, he was dragged onto the pavement, and the perpetrators fled the scene. This is not “reckless driving” - the vehicle was deliberately used as a weapon. This is a child’s life - and the case must be investigated and prosecuted with the seriousness it deserves. No influence. No compromise. No escape from accountability.
— Voice Of Customer (@VoiceOfCustPK) October 20, 2026
گرفتار ملزم توقیر نذیر کا دعویٰ ہے کہ وسیم استاد کی بات نہ مان کر سائٹ سے بھاگ گیا تھا اور اسے روکنے کی کوشش کے دوران گاڑی پھسل گئی۔ واقعے کی اصل وجوہات کا تعین تفتیش کے بعد ہوگا۔
یتیم خانے کی انتظامیہ کے مطابق وسیم گزشتہ پانچ سال سے وہاں مقیم تھا اور الیکٹریشن کا کام سیکھنا چاہتا تھا۔ وہ گزشتہ چھ روز سے ملزم توقیر کے پاس کام سیکھ رہا تھا۔
وسیم کے اہل خانہ نے واقعے پر دکھ اور افسوس کا اظہار کرتے ہوئے انصاف کا مطالبہ کیا ہے۔ اہل خانہ کے مطابق وسیم کے والد کا نو سال قبل انتقال ہوگیا تھا۔
پولیس کے مطابق واقعے میں ملوث دوسرے ملزم کی گرفتاری کے لیے کارروائی جاری ہے۔ وسیم عباس کو نمازِ جنازہ کی ادائیگی کے بعد آبائی قبرستان میں سپردِ خاک کردیا گیا۔