(ویب ڈیسک ) صدارتی انتخابات کے موقع پر امریکا کی مختلف ریاستوں میں ووٹنگ کا عمل شروع ہوگیا ہے، اور ڈیموکریٹک امیدوار کملا ہیرس اور ری پبلکن امیدوار ڈونلڈ ٹرمپ کے درمیان سخت مقابلہ متوقع ہے۔
امریکا کی مختلف ریاستوں میں ووٹنگ کا عمل شروع ہوچکا ہے ، ری پبلکن امیدوار اور سابق صدر ڈونلڈ ٹرمپ نے مسلمان ووٹرز کو مخاطب کرتے ہوئے سماجی رابطے کے پلیٹ فارم ایکس پر بیان میں کہا ہے کہ ٹرمپ کو ووٹ دیں اور امن واپس لائیں۔
انہوں بیان میں ریاست مشی گن کے مسلم ووٹرز کو کہا کہ عرب اور مسلمان امن چاہتے ہیں، کملا ہیرس اور ان کی جنگجو کابینہ مشرق وسطیٰ پرحملہ کردیں گے اور لاکھوں مسلمانوں کو قتل کر یں گے۔
ڈونلڈ ٹرمپ نے یہ بھی کہا کہ کملا ہیرس اور ان کی جنگجو کابینہ تیسری عالمی جنگ شروع کردیں گے۔