کنول شوزب نے فرح گجر کا تعلق ن لیگ سے جوڑ دیا

تحریک انصاف کی رہنماء کنول شوزب نے حال ہی میں تنقید کی زد میں آنے والی خاتون اول کی قریبی دوست فرح گجر کا تعلق ن لیگ سے جوڑ‌دیا. سماجی رابطوں‌کی ویب سائٹ ٹوئٹر پر پی ٹی آئی رہنماء نے فرح گجر کی ایک تصویر ٹوئٹ کی جس میں لکھا تھا فرح گجر کا سوال پی ٹی آئی نہیں بلکہ ن لیگ سے پوچھنا چاہیے. مریم اورنگزیب کے بیان پر ردعمل دیتے ہوئے انکا کہنا تھا کہ یہ بتائیں فرح گجر عمران خان کی فرنٹ مین کیسے ہو سکتی ہے؟ فرح ن لیگی احسن جمیل گجر کی بیگم، ن لیگی ایم پی اے چوہدری اقبال گجر کی بہو ہے . ان کا کہنا تھا کہ ن لیگ کی ترجمان مریم اورنگ زیب جواب دیں جو الزامات مریم صفدر اور خواجہ آصف نے لگائے ہیں؟

" فرح گجر پنجاب میں عمران خان کی فرنٹ مین تھیں" مریم اورنگ زیب یہ بتائیں فرح گجر مین کیسے ہو سکتی ہے؟؟???? ن لیگی احسن جمیل گجر کی بیگم ن لیگی ایم پی اے چوہدری اقبال گجر کی بہو ہے ن لیگ کی ترجمان مریم اورنگ زیب جواب دے جو الزامات مریم صفدر اور خواجہ آصف نے لگائے ہیں؟ pic.twitter.com/CWNRmHXrIi

— Kanwal Shauzab Ex MNA (@KanwalMna) April 6, 2022

یہ بات بھی اہم ہے کہ 2018 میں فرح خان نے تحریک انصاف میں شمولیت اختیار کی تھی جس کی تصاویر بھی موجود ہیں . جبکہ شہباز گل نے انکے بارے میں ایک سال قبل ٹوئٹ بھی کیا تھا.

شہباز گل نے ایک سال پہلے سنیٹ الیکشن کے موقع پر ٹیوٹ کرتے ہوئے اس بات کو تسلیم کیا تھا کہ پنکی پیرنی کی دوست فرح گوگی تحریک انصاف کی اہم رہنما ہے عمران خان نے انہیں سنیٹ الیکشن کے لیے کورننگ امیدوار بھی نامزد کیا تھا#BushraFarahNexus pic.twitter.com/ZdGsiJVKgN

— Khalid Hussain Taj (@KhalidHusainTaj) April 5, 2022

خیال رہے کہ خاتون اول کی قریبی ساتھی فرح خان کی پرائیوٹ جیٹ میں تصویر نے سوشل میڈیا پر ہل چل مچادی ہے۔ فرح خان کا ہینڈ بیگ اور سینڈل لوگوں کی توجہ کا مرکز بن گیا، دعویٰ کیا جارہا ہے کہ ہینڈ بیگ اور سینڈل معروف امریکی برانڈ کا ہے۔پی ٹی آئی کے ناراض ارکان اور اپوزیشن رہنماؤں کی جانب سے متعدد بار فرح خان پر پنجاب میں افسران سے اپنی مرضی کے مطابق تبادلے اور تعیناتی کے لیے بھاری رقم وصول کرنے کا الزام لگایا گیا ہے ۔