ویب ڈیسک: برطانوی نائب وزیراعظم انجیلا رینر کے استعفیٰ کے بعد برطانوی وزیراعظم کیئر سٹارمر نے پاکستانی نژاد رکن پارلیمنٹ شبانہ محمود کو برطانیہ کا ہوم سیکرٹری مقرر کر دیا۔
عالمی خبر رساں ادارے روئٹرز کے مطابق کیئر سٹارمر نے انجیلا رینر کے استعفیٰ کے بعد اپنی ساکھ بحال کرنے کیلئے اپنی کابینہ میں بڑے ردوبدل میں نیا نائب وزیر اعظم اور وزیر خارجہ بھی مقرر کر دیا ہے۔
یہ تقرریاں نائب وزیر اعظم کی جانب سے اپنے نئے گھر پر پراپرٹی ٹیکس کی کم ادائیگی پر افسوس کا اظہار کرتے ہوئے مستعفی ہونے کے بعد ہوئی ہیں۔
جسٹس سیکرٹری شبانہ محمود، جو پہلے دائیں بازو کی لیبر پارٹی کی تھیں، وزیر انصاف کے طور پر خدمات انجام دے رہی تھیں۔
کیر سٹارمر نے ڈیوڈ لیمی کو، جو برطانیہ کے سابق سیکرٹری خارجہ تھے، کو نائب وزیراعظم مقرر کیا ہے۔ ان کی جگہ یویٹ کوپر ہوں گے، جو پہلے وزیر داخلہ تھیں۔
شبانہ محمود، نئی وزیر داخلہ، برطانیہ کی سب سے سینئر مسلم سیاست دان ہیں اور انہیں لیبر پارٹی کی اگلی رہنما کے طور پر دیکھا جاتا ہے۔
44 سالہ سابق بیرسٹر شبانہ محمود 2010 سے رکن پارلیمنٹ ہیں اور حزب اختلاف کے دور میں متعدد شیڈو منسٹریز پر فائز رہیں تاہم انہوں نے جیریمی کوربن کی کابینہ میں شامل ہونے سے انکار کر دیا تھا۔