شہباز گل کو بنی گالا سے گرفتار کر لیا گیا

پاکستان تحریک انصاف کے رہنما شہباز گل کو بنی گالا سے گرفتار کر لیا گیا ہے۔ پی ٹی آئی قیادت نے اپنے ساتھی کی گرفتاری کی شدید مذمت کی ہے. اس بات کی اطلاع پی ٹی آئی رہنما مراد سعید نے دی ہے۔ انہوں نے اپنی ٹویٹ میں بتایا کہ شہباز گل کو گرفتار کر لیا گیا ہے۔ امپورٹڈ حکومت بوکھلاہٹ کا شکار ہو چکی ہے۔ https://twitter.com/MuradSaeedPTI/status/1556932019460112385?s=20&t=RdQSkFuCGw3vf_4wjBhWzA مراد سعید کا کہنا تھا کہ کس کس کو گرفتار کر وگے؟ کتنے صحافیوں پر پابندی لگاؤ گے؟ شہباز گل کی گاڑی کے شیشے بھی توڑ دیئے گئے ہیں۔ ان کا کہنا تھا کہ کل رات ایک خوفناک پلان تھا لیکن عمران خان کے جانثاروں نے واضح پیغام دیا عمران خان ریڈ لائن ہے۔ https://twitter.com/PublicNews_Com/status/1556940026579222531?s=20&t=KsHJX_1ILFEzRIzAbzmduA مراد سعید نے اپنی ٹویٹ میں لکھا کہ میں کئی ہفتوں سے خبردار کر رہا تھا کہ ہمیں پھر سے ایندھن بنایا جا رہا ہے۔ لیکن میڈیا اور امپورٹڈ حکومت خاموش رہی۔ امریکی غلاموں کی خاموشی بے سبب نہیں ہے۔ انہوں نے خود یہ نیا کھیل شروع کیا۔ ان کا کہنا تھا یہ امپورٹڈ حکومت شریک جرم ہے لیکن میرے لئے میڈیا کی خاموشی سمجھ سے بالاتر تھی۔ اب منصوبہ تو بے نقاب ہو چکا ہے۔