ویب ڈیسک: فرانسیسی صدر نے یہ فیصلہ یورپی انتخابات میں دائیں بازو کی جماعت نیشنل ریلی پارٹی کی جیت کے بعد کیا۔
عالمی خبر رساں ادارے کی خبر کے مطابق صدر ایمانوئیل میکرون نے قبل از وقت انتخابات کا اعلان کرتے ہوئے کہا کہ ملک میں ایوان زیریں کے انتخابات 30 جون کو ہوں گے جبکہ دوسرے مرحلے کے انتخابات 7 جولائی کو ہوں گے۔
یورپی پارلیمنٹ کے انتخابات میں نیشنل ریلی پارٹی نے بھاری اکثریت سے کامیابی حاصل کی، ایگزٹ پول کے مطابق صدر ایمانوئیل میکرون کی جماعت نے 15 فی صد ووٹ حاصل کئے، جبکہ دائیں بازو کی جماعت کے ووٹوں کا تناسب 32 فی صد رہا۔
سوشلسٹس پارٹی نے 14 فی صد ووٹ حاصل کئے جو ایمانوئیل میکرون کی جماعت کے حاصل کردہ ووٹوں سے صرف 1 فی صد کم ہیں۔
فرانسیسی صدر نے تسلیم کیا کہ نیشنل ریلی پارٹی کو انتخابات میں تاریخی کامیابی ملی ہے جس کو نظر انداز نہیں کیا جا سکتا۔
صدر میکرون کا مزید کہنا تھا کہ فرانس سمیت یورپ بھر میں دائیں بازو کی جماعتوں کا اثر و رسوخ بڑھتا جا رہا ہے، ہمیں آگے بڑھنے کے لیے واضح اکثریت کی ضرورت ہے۔
میرین لی پین ایمانوئیل میکرون کوشکست دینے والی کون ہیں؟
فرانس کے علاوہ یورپی انتخابات میں دائیں بازو کی جماعتوں نے آسٹریا، جرمنی اور اٹلی میں بھی کامیابی حاصل کی ہیں۔
نیشنل ریلی پارٹی کی باگ دوڑ 28 برس کے جورڈن بارڈیلا کے پاس ہےجبکہ پارٹی کی لیڈر لاپین نے اپنے ایک بیان میں ملکی قیادت سنبھالنے کا عندیہ دیا ہے۔
فرانسیسی صدر عمانویل میکروں کے یورپی انتخابات میں فرانسیسی ووٹوں میں انتہائی دائیں بازو کی اکثریت کے بعد ایوانِ نمائندگان کو تحلیل کرنے کے اعلان پر فوری ردِ عمل میں جیتنے والی رہ نما میرین لی پین نے کہا ہے کہ "اگر فرانسیسی ہمیں اختیار دیں اور ہم پر اعتماد کریں تو ہم اقتدار اپنے ہاتھ میں لینے کے لیے تیار ہیں‘‘۔
اتوار کی شام میکروں نے پارلیمنٹ کی تحلیل اور نئی قانون ساز کونسل کے انتخابات کی تنظیم کا اعلان اس وقت کیا جب فرانسیسی انتہائی دائیں بازو نے یورپی انتخابات میں صدارتی اکثریتی کیمپ پر بڑے فرق سے کامیابی حاصل کی۔