پاکستان میں کورونا کا زور ٹوٹ گیا

اسلام آباد ( ویب ڈیسک ) پاکستان میں کورونا کا زور کم ہونے لگا، 24 گھنٹوں کے دوران ایک ہزار19 نئے کیس رپورٹ، مزید 34 افراد جاں بحق، اموات کی مجموعی تعداد 21 ہزار 723 ہوگئی، فعال کیسز 41 ہزار 729 ریکارڈ، 8 لاکھ78 ہزار 740مریض صحت یاب بھی ہوچکے ہیں۔نیشنل کمانڈ اینڈ آپریشن سنٹر سے کورونا کے تازہ ترین اعداد و شمار کے مطابق گزشتہ 24 گھنٹوں میں ملک میں کورونا سے مزید 34 افراد جان کی بازی ہار گئے ٗ 1ہزار019افراد میں کرونا کی تصدیق ہوئی ٗ ملک میں کورونا کے ایکٹیو کیسز کی 41ہزار 726 ہو چکی ہے جبکہ خوش آئند طور پر ملک بھر میں کورونا کے 8 لاکھ78ہزار 740مریض صحتیاب ہو چکے ہیں ۔پاکستان بھر میں9لاکھ 42ہزار 189مصدقہ کورونا کیس سامنے آ چکے ہیں ٗ کورونا سے تاحال21ہزار 723موات ہو چکی ہیں ٗجبکہ گزشتہ 24 گھنٹوں میں ملک بھرمیں 39214ٹیسٹ کئے گئے۔