اجوائن ہر موسم میں فائدہ مند، یہ 8 طریقے بیماریوں کو بھگائیں گے

اجوائن ہر موسم میں فائدہ مند، یہ 8 طریقے بیماریوں کو بھگائیں گے
لاہور: (ویب ڈیسک) اجوائن کا استعمال اکثر گھروں میں ہوتا ہے۔ یہ دواؤں کی خصوصیات سے بھرپور ہے۔ کیا آپ اس کے استعمال کے فوائد کے بارے میں جانتے ہیں؟ گھر کے کچن میں رکھی اجوائن صحت کے کئی مسائل سے نجات دلانے میں کارگر ثابت ہو سکتی ہے۔ اجوائن کے چھوٹے بیجوں میں ایسے فائدے مند عناصر موجود ہیں جن سے آپ ابھی تک لاعلم ہیں۔ بدہضمی کی صورت میں اکثر اجوائن کے بیجوں کو گرم پانی اور نمک کے ساتھ کھانے کا مشورہ دیا جاتا ہے۔ یہی نہیں، اجوائن نزلہ، ناک بہنا اور زکام سے نجات دلانے کے لئے ایک یقینی دوا ہے۔ اجوائن کا استعمال ان 8 طریقوں سے کریں اجوائن اینٹی آکسیڈنٹس اور سوزش کو دور کرنے والے عناصر سے بھرپور ہے جو ناصرف سینے میں بلغم سے نجات دلاتا ہے بلکہ نزلہ زکام اور ہڈیوں کے درد میں بھی آرام دیتا ہے۔ 1: سردی، گرمی کے اثر سے گلا خراب ہو جاتا ہے۔ اس سے نجات کے لئے بیر کے پتے اور اجوائن کو پانی میں ابالیں، پھر اس پانی کو چھان کر اس سے غرارے کریں، اس سے بہت فائدہ ہوتا ہے۔ 2: اگر آدھے سر میں درد ہو تو ایک چمچ اجوائن کے بیج کو آدھا لیٹر پانی میں ابالیں۔ پانی کو چھان کر دن میں دو تین بار لیتے رہیں، بہت فائدہ ہوگا۔ 3: سرسوں کے تیل میں اجوائن کے بیج ڈال کر اچھی طرح گرم کریں۔ اس سے جوڑوں کی مالش کرنے سے جوڑوں کے درد میں آرام ملتا ہے۔ 4: چوٹ پر نیلا سرخ داغ ہو تو اجوائن کے بیجوں اور ہلدی کو چوٹ پر باندھنے سے درد اور سوجن کم ہو جاتی ہے۔ 5: منہ سے بدبو آنے کی صورت میں تھوڑا سا کیرم کے بیجوں کو پانی میں ابالیں، پھر اس پانی سے دن میں دو تین بار گارگل کریں، دو تین دن میں بدبو ختم ہو جاتی ہے۔ 6: اجوائن جوڑوں کے درد میں بھی آرام دیتی ہے۔ اجوائن پاؤڈر کا بنڈل بنا کر گھٹنوں میں سینکنے سے فائدہ ہوتا ہے۔ آدھا کپ اجوائن کا رس خشک ادرک میں ملا کر پینے سے بھی یہ مرض ٹھیک ہو جاتا ہے۔ 7: اگر آپ کے چہرے پر مہاسے ہیں تو تھوڑی سی اجوائن کو دہی کے ساتھ پیس لیں اور اس پیسٹ کو چہرے پر لگائیں۔ جب پیسٹ خشک ہو جائے تو اسے نیم گرم پانی سے صاف کر لیں۔ چند دنوں میں مہاسے ختم ہو جائیں گے۔ 8: مسوڑھوں میں سوجن ہو تو اجوائن کے بیجوں کے تیل میں چند قطرے ڈال کر نیم گرم پانی سے غرارے کرنے سے آرام آجاتا ہے۔ اس کے علاوہ اجوائن کو بھون کر پیس کر پاؤڈر بنا لیں۔ اس سے برش کرنے سے مسوڑھوں کے درد اور سوجن میں آرام ملتا ہے۔