ویب ڈیسک: گزشتہ روز نمازِ استسقاء کے بعد مسجد الحرام میں تیز بارش ہوئی، جس کے باوجود عمرہ زائرین اور عبادت گزاروں نے طواف اور عبادات کا سلسلہ جاری رکھا۔ یہ روح پرور مناظر سوشل میڈیا پر وائرل ہوگئے۔
اس سے قبل مدینہ منورہ میں بھی بارش کے دوران مقامی افراد اور عمرہ زائرین کو نمازِ جمعہ ادا کرنے کا موقع ملا۔ سعودی میڈیا کے مطابق، سعودی عرب کے مختلف شہروں جیسے مکہ، مدینہ، عسیر اور ریاض میں حالیہ دنوں میں بارشوں کا سلسلہ جاری ہے۔
یہ مکہ مکرمہ میں خانۂ کعبہ کے گرد فجر کے وقت موسلا دھار بارش کے مناظر ہیں۔ کل حرم میں بارش کے لیے نمازِ استسقاء ادا کی گئی تھی۔ ماشاءاللہ۔ ⛈️⛈️ pic.twitter.com/vRssI5Wp6N
— Weather Updates PK (@WeatherWupk) November 15, 2025
سعودی جنرل ڈائریکٹوریٹ آف ٹریفک نے بارش کے موسم میں احتیاط برتنے کی اپیل کی ہے اور گاڑیوں کی رفتار کم رکھنے، تیز موڑ سے بچنے اور گاڑیوں کے درمیان مناسب فاصلہ برقرار رکھنے کی ہدایت کی ہے۔
سعودی نیشنل سینٹر آف میٹیورولوجی نے شدید بارشوں کا مزید انتباہ جاری کیا ہے۔
یاد رہے کہ جمعرات کو سعودی عرب کی مساجد میں خصوصی نماز استسقاء ادا کی گئی تھی، جس کا حکم سعودی فرماں روا شاہ سلمان بن عبدالعزیز نے دیا تھا۔ اسی طرح کی دعائیں حال ہی میں کویت اور قطر میں بھی کی گئیں۔