ویب ڈیسک: ایران کی جانب سے آبنائے ہرمز تجارتی جہازوں کے لیے کھولنے کے اعلان کے بعد وفاقی وزیر توانائی اویس لغاری نے پاکستان میں پیٹرول اور ڈیزل کی قیمتوں میں کمی کا اشارہ دے دیا۔
اویس لغاری نے سوشل میڈیا پر کہا کہ لبنان میں جنگ بندی اور آبنائے ہرمز کی کمرشل آمد و رفت پاکستان کے لیے ایک بڑا موقع ہے، اور وزیر اعظم شہباز شریف اور فیلڈ مارشل سید عاصم منیر کی کوششوں سے ملک عالمی امن کا علمبردار بن رہا ہے۔
اللہ تعالی کا شکر کہ پاکستان کو یہ موقع ملا کہ ہمارے وزیراعظم شہباز شریف اور فیلڈ مارشل سید عاصم منیر کی بھر پور کوششوں سے پاکستان عالمی امن کا علمبردار بنا ، لبنان میں جنگ بندی ہو ئی اور آبنائے ہرمز کمرشل آمد ورفت کیلیے آج کھل گئی ہے انشاءاللہ ان کوششوں کی وجہ سے پٹرول اور… pic.twitter.com/4lC3FS7Mwc
— Awais Leghari (@akleghari) April 17, 2026
انہوں نے مزید کہا کہ ایل این جی کی دستیابی سے بجلی کی فراہمی بہتر ہوگی، اور ان کوششوں کے اثرات پیٹرول اور ڈیزل کی قیمتوں میں بھی جلد نظر آئیں گے۔ آخر میں انہوں نے لکھا، " پاکستان ہمیشہ زندہ باد"۔