(ویب ڈیسک ) پاکستان مسلم لیگ ن نے پنجاب اسمبلی میں ڈبل سنچری مکمل کر لی ہے۔
مسلم لیگ ن پنجاب اسمبلی کے پہلے اجلاس میں نمبر گیم شو کرے گی۔ مسلم لیگ ن میں 23 آزاد اراکین اب تک شمولیت اختیار کر چکے ہیں۔ مسلم لیگ ن نے پنجاب میں 137 نشتوں پر کامیابی حاصل کی تھی، مسلم لیگ ن کی نمبر گیم آزاد اراکین کو ملا کر 160 ہو گئی۔
الیکشن کمیشن کی جانب سے مسلم لیگ کو خواتین کی 36 اور اقلیت کی 5 مخصوص نشتیں بھی دے دی گئیں ہیں۔جس کے بعد پنجاب اسمبلی کی مخصوص نشتوں کو ملا کر مسلم لیگ ن 201 اراکین کے ساتھ سب سے آگے ہے۔
واضح رہے کہ پنجاب اسمبلی میں سادہ اکثریت کے لیے 186 اراکین اسمبلی کی حمایت ضروری ہے۔