کراچی (پبلک نیوز) شہر سے منشیات فروشی کا بڑا نیٹ ورک بے نقاب، گینگ کا واٹس ایپ کے ذریعہ منشیات بیچنے کا انکشاف سامنے آ گیا۔تفصیلات کے مطابق شریں جناح کالونی سے منشیات فروشوں کا خاتون سمیت 5 رکنی گینگ پکڑا گیا۔ ایس ایس پی کیماڑی فدا حسین کا کہنا ہے کہ شیریں جناح کالونی سے 20 کلو منشیات برآمد ہوئیں، ملزمان کیماڑی،دیفنس اور کلفٹن میں منشیات بیچتے تھے۔ایس ایس پی کے مطابق پوش علاقوں میں لڑکیوں کو منشیات خاتون نرگس فراہم کرتی تھی۔ ملزمان سوشل میڈیا پر آڈر لیکر ہوم ڈیلوری کی سہولت دیتے تھے۔ ملزمان ایک پیکٹ 10 ہزار روپے کا فروخت کرتے تھے۔