پاک بھارت میچ کے ٹاس پر دلچسپ ڈرامہ: پاکستانی کپتان نے میچ ریفری کی بڑی غلطی پکڑ لی، ویڈیو وائرل

پاک بھارت میچ کے ٹاس پر دلچسپ ڈرامہ: پاکستانی کپتان نے میچ ریفری کی بڑی غلطی پکڑ لی، ویڈیو وائرل

(ویب ڈیسک)ایشیا کپ رائزنگ اسٹارز ٹورنامنٹ میں پاکستان اے اور بھارت اے  کے درمیان ہونے والے بڑے مقابلے کے ٹاس کے دوران اس وقت انتہائی دلچسپ اور حیران کن صورتحال پیدا ہو گئی جب پاکستانی کپتان عبدالصمد نے میچ ریفری کی غلطی پکڑ لی اور فیصلہ تبدیل کروا لیا۔

میچ ریفری کا غلط فیصلہ :

پاکستان اے اور بھارت اے کے درمیان میچ شروع ہونے سے قبل ٹاس کے موقع پر پاکستانی کپتان عبدالصمد نے 'ہیڈز' کی کال دی۔جب سکہ زمین پر گرا تو واضح طور پر 'ہیڈز' ہی آیا تھا، تاہم میچ ریفری نے غلطی سے بھارت کو ٹاس جیتنے کا حقدار قرار دے دیا۔

اس موقع پر پاکستانی کپتان عبدالصمد نے فوری طور پر مداخلت کرتے ہوئے سکے کا قریب سے معائنہ کیا اور مائیک پر سب کے سامنے واضح کیا کہ سکہ ہیڈز پر گرا ہے۔

فیصلہ واپس اور ویڈیو وائرل:

عبدالصمد کی بروقت نشاندہی کے بعد میچ ریفری کو اپنی غلطی کا احساس ہوا اور انہیں فوری طور پر اپنا فیصلہ واپس لینا پڑا، جس کے بعد ٹاس پاکستان کے حق میں قرار پایا اور عبدالصمد نے پہلے بیٹنگ کرنے کا فیصلہ کیا۔

ٹاس کے دوران پیش آنے والے اس دلچسپ واقعے کی ویڈیو سوشل میڈیا پر تیزی سے وائرل ہو گئی ہے۔

Watch Live Public News