ٹانک(پبلک نیوز) صوبہ خیبر پختونخوا کے جنوبی ضلع ٹانک زیر تعمیر گرلز مڈل سکول کو دھماکے سے اڑا دیا گیا ۔ پولیس کے مطابق بارودی مواد دیوار کے کنارے نصب کیا گیا تھا ۔ دھماکے سے سکول کی دیواروں گر گئیں جبکہ ایک کمرے کو جزوی نقصان پہنچا. ڈی پی ٹانک کا کہنا تھا کہ پولیس کی بھاری نفری نے علاقہ کو گھیرے میں لیکر سرچ اپریشن شروع کردیا ہے، جلد ملزمان کا سراغ لگا لیا جائے گا، دھماکے میں تاحال کسی جانی نقصان کی اطلاع نہیں ہے ۔ بم ڈسپوزل اسکواڈ کے مطابق دھماکے میں 5 سے 7 کلو وزنی بارودی مواد استعمال کیا گیا۔