جہانگیر ترین کا معیشت کی بحالی کیلئے ن لیگ کے ساتھ چلنے کا اعلان

جہانگیر ترین کا معیشت کی بحالی کیلئے ن لیگ کے ساتھ چلنے کا اعلان
کیپشن: Jahangir Tareen's announcement to go with the PML-N to restore the economy

ویب ڈیسک: استحکام پاکستان پارٹی کے سربراہ جہانگیر ترین کا کہنا ہے کہ نواز شریف اور شہباز شریف کیساتھ ملکر معیشت سنبھالیں گے، میں وعدہ کرکے نبھاتا ہوں، الیکشن سے ملک میں مثبت تبدیلی آتی ہے۔

ملتان میں مسلم لیگ ن کے ورکرز کنونشن سے خطاب میں جہانگیر ترین نے کہا کہ معیشت بڑھے گی تو ملک ترقی کرے گا، جو کچھ میرے بس میں ہوا میں کروں گا۔

سربراہ آئی پی پی نے مزید کہا کہ معیشت سنبھلے گی تو کاروبار چلے گا، روس اور چین کو معیشت نے ہی بنایا۔

انھوں نے کہا کہ الیکشن پانچ سال بعد آتا ہے، ووٹ کی طاقت عوام کے پاس ہے، ایماندار لوگوں کو ووٹ دیں گے تو ملک کی قسمت بدل جائے گی۔

جہانگیر ترین نے کہا کہ میں اپنے ووٹرز کیساتھ رہوں گا ان کو سنبھالوں گا، حلقہ این اے 149 کو ملک کا بہترین حلقہ بنائیں گے۔

Watch Live Public News