ویب ڈیسک: (دانش منیر) سکیورٹی خدشات کے پیش نظر پنجاب سے بلوچستان میں گاڑیوں کے داخلہ پر پابندی لگادی ۔
نوٹی فکیشن کے مطابق شام 5 بجے کے بعد پنجاب سے کوئی مسافرگاڑی بلوچستان داخل نہیں ہوسکے گی، ڈپٹی کمشنر ڈیرہ غازی خان محمد عثمان خالد نے نوٹی فکیشن جاری کردیا ۔
پابندی کا اقدام شہریوں کی جان و مال کے تحفظ کے لیےکیاگیا ، نئے ضوابط کے تحت بلوچستان جانے والی ٹرانسپورٹ قافلوں کی صورت میں اورسیکیورٹی حصار کے ساتھ روانہ کی جائے گی۔
سخی سرور اور بواٹہ چیک پوسٹوں پرسخت پابندیاں نافذ کی گئیں، تمام بس اڈوں پر سخت نگرانی کا فیصلہ کیا گیا ہے، مسافروں اور ڈرائیورز کی روانگی سے قبل ویڈیو ریکارڈنگ لازمی قرار دی گئی۔