(ویب ڈیسک ) گوجرانوالہ میں فیڈرل انویسٹی گیشن ایجنسی ( ایف آئی اے ) نےکارروائی کرتے ہوئے ایک انسانی اسمگلر کو گرفتار کر لیا۔
ایف آئی اے کا کہنا ہے کہ گرفتار انسانی اسمگلر نے سادہ لوح میاں بیوی کو برطانیہ بھجوانے کا جھانسہ دے کر 93 لاکھ روپے بٹورے اور پھر روپوش ہو گیا۔جس کے بعد متاثرہ فیملی نے ایف آئی اے میں شکایت درج کروائی۔
ایف آئی اے کی ٹیم نے ملزم کی ایمن آباد موجودگی کی اطلاع پر چھاپا مارا کر ملزم کو گرفتار کیا اور تحقیقات کا آغاز کردیا ہے۔
خیال رہے کہ چند روز قبل یونان کے ساحل کریٹ پر کشتیاں ڈوبنے کے واقعات میں 40 پاکستانی جاں بحق ہوئے تھے جس کے بعد وزیراعظم شہباز شریف نے انسانی اسمگلروں کے خلاف ملک بھر میں سخت کارروائیاں کرنے کے احکامات جاری کیے تھے۔