(ویب ڈیسک )2 بار آسکر ایوارڈ جیتنے والے ہالی ووڈ کے اداکار جین ہیکمین اور انکی اہلیہ بیٹسی اراکوا کی لاشوں کو ان کے گھر سے برآمد کیا گیا ہے۔
امریکی ریاست نیو میکسیکو کی سانتا فی کاؤنٹی کی پولیس نے اداکار اور ان کی اہلیہ کی ہلاکت کی تصدیق کی ہے تاہم فی الحال دونوں کی ہلاکت کی وجہ معلوم نہیں ہوسکی لیکن پولیس خیال میں اس میں کسی اور کا ہاتھ نہیں۔
پولیس کا کہنا ہے کہ 26 فروری کو دوپہر پونے 2 بجے 95 سالہ جین ہیکمین، ان کی اہلیہ اور ایک کتے کی لاشوں کو دریافت کیا گیا۔جس کے بعد تحقیقات کا آغاز کردیا گیا ہے۔
خیال رہے کہ جین ہیکمین کو مختلف فلموں جیسے دی فرنچ کنکشن، ان فورگیون، دی فرم، Hoosiers اور دیگر کے لیے جانا جاتا تھا۔ انہوں نے پہلا آسکر ایوارڈ 1971 کی فلم دی فرنچ کنکشن میں کام کرکے جیتا تھا۔ 1992 کی فلم ان فورگیون میں پرتشدد شیرف کے کردار نے انہیں دوسرا آسکر جیتنے میں مدد فراہم کی۔
74 سال کی عمر میں انہوں نے فلموں سے ریٹائرمنٹ اختیار کی اور سانتا فی میں رہائش اختیار کرلی اور زیادہ تر عوام کی نظروں سے دور رہے۔
جین ہیکمین کے 3 بچے ہیں جو ان کی پہلی اہلیہ سے ہوئے، ان کی پہلی اہلیہ کا انتقال 2017 میں ہوا تھا۔