حج کے رکن اعظم وقوف عرفہ کی ادائیگی کیلئے حجاج کرام میدان عرفات میں جمع

جدہ: حج کے رکن اعظم ’وقوف عرفہ‘ کی ادائیگی کیلئے ڈیڑھ لاکھ پاکستانیوں سمیت دنیا بھر سے 25 لاکھ فرزندان اسلام میدان عرفات میں جمع ہو گئے ہیں جہاں وہ مسجد نمرہ سے حج کا خصوصی خطبہ سنیں گے۔ منیٰ میں 21 لاکھ 92 ہزار مربع میٹر رقبے پر دنیا کا سب سے بڑا خیموں کا شہر آباد ہوگیا ہے، مناسک حج کے دوران حجاج کرام منیٰ کی عارضی خیمہ بستی میں 8 ذوالحجہ کا پورا دن قیام کیا ہے، پانچوں وقت کی نمازیں ادا کر کے حجاج کرام نے لبیک اللھم لبیک کی صدائیں بلند کرتے ہوئے حج کے رکن اعظم وقوف عرفہ کے لئے 9 ذوالحجہ کو نماز فجر کی ادائیگی کے بعد میدان عرفات میں جمع ہوگئے۔ حجاج کرام میدان عرفات میں مسجد نمرہ سے حج کا خصوصی خطبہ بھی سنیں گے اور ظہر و عصر کی نمازیں قصر کرکے ایک ساتھ ہی ادا کریں گے، حجاج اکرام دن بھر ذکر اذکار کریں گے، اپنی اور امت مسلمہ کی بخشش کے لئے خصوصی دعاؤں کا اہتمام بھی کریں گے ، سورج غروب ہوتے ہی مزدلفہ چلے جائیں گے جہاں پر مغرب اور عشاء کی نمازیں ایک ساتھ قصرکرکے پڑھیں گے۔

Images Live from Masjid Nameira pic.twitter.com/3tP3FQDsPd

— ???????????????????????????????? (@HaramainInfo) June 27, 2023

حجاج اکرام مزدلفہ میں رات کھلے آسمان تلے گزاریں گے، یہی وہ مقام ہے کہ جہاں سے شیطانوں کو مارنے کے لئے کنکریاں جمع کی جائیں گی، 10 ذوالحجہ کو صبح نماز فجر کی ادائیگی کے بعد عازمین حج واپس منیٰ چلے جائیں گے جہاں سے وہ رمی (شیطان کو کنکریاں مارنے) کے لئے جمرات جائیں گے۔

فيديو | وسط منظومة خدمية متكاملة..

الحجاج يتوافدون إلى ⁧#مشعر_عرفات⁩ لقضاء #يوم_عرفة

⁧#بسلام_آمنين⁩
⁧#الإخبارية⁩ pic.twitter.com/HBPyvDga9V

— قناة الإخبارية (@alekhbariyatv) June 27, 2023

اس سارے عمل کے بعد ہی خدا کی راہ میں قربانی دی جائے گی جس کے بعد حاجی احرام اتار دیں گے اور خانہ کعبہ جا کرطواف زیارۃ کریں گے، پھر واپس منی جا کر ایام تشریق گزاریں گے۔ سعودی حکومت کی جانب سے عازمین حج کو مقدس مقامات تک لانے اور لے جانے کے لئے 24 ہزار بسوں کا انتظام کیا گیا ہے۔