ویب ڈیسک: امریکی کانگریس کی رکن الہان عمر نے منگل کے روز مینیسوٹا میں ٹاؤن ہال کے دوران حملے کے بعد ردعمل دیتے ہوئے کہا کہ صدر ڈونلڈ ٹرمپ کی جانب سے ان کے اور سومی کمیونٹی کے خلاف استعمال کی جانے والی نفرت انگیز زبان نے اس افسوسناک واقعے کو جنم دیا۔
غیر ملکی میڈیا رپورٹس کے مطابق، الہان عمر نے اپنے بیان میں کہا کہ حملہ آور خاص طور پر صدر ٹرمپ کے سومی باشندوں کو ملک بدر کرنے کے احکامات سے ناراض تھا۔ انہوں نے مزید کہا کہ ہر بار جب صدر ٹرمپ نے ان کے اور ان کی کمیونٹی کے خلاف نفرت آمیز الفاظ استعمال کیے، انہیں موت کی دھمکیاں موصول ہوئیں۔
الہان عمر نے اس موقع پر کہا کہ اگر امریکی صدر اقتدار میں نہ ہوتے، تو انہیں حکومت سے سیکیورٹی کی ضرورت نہ پڑتی۔
واضح رہے کہ امریکی قانون کے مطابق، کانگریس کے کسی رکن پر حملہ کرنا ایک وفاقی جرم شمار ہوتا ہے۔