(ویب ڈیسک)متحدہ عرب امارات کی فیول پرائس کمیٹی نے تیل کی عالمی قیمتوں میں تبدیلی کےباعث رواں ماہ کے لیے پیٹرول اور ڈیزل کی نئی قیمتوں کا اعلان کیا ہے۔
اعلان کے مطابق سپر 98 پیٹرول کی قیمت میں 0.06 درہم کا اضافہ دیکھا گیا اور نئی قیمت 2.82 درہم سے بڑھ کر 2.88 درہم ہوگئی ہے۔فیول کی قیمتوں میں تازہ ترین تبدیلیاں کے ساتھ اسپیشل 95 پیٹرول کی قیمت میں 0.05 درہم کا اضافہ کیا گیا ہے، نئی شرح 2.76 درہم پر منڈلا رہی ہے۔
دریں اثنا ڈیزل کی قیمت میں 2.99 درہم کی معمولی کمی دیکھنے میں آئی تھی، سبھی کی نظریں ایندھن کی قیمتوں پر تھیں کیونکہ مقامی کیب آپریٹرز نے پٹرول کی قیمتوں میں تبدیلی کے مطابق اپنے کرایوں میں تبدیلی کی ہے۔
عالمی منڈی میں جنوری کے وسط میں تیل کی قیمتیں 80 ڈالر فی بیرل سے نیچے رہیں، لیکن حالیہ دنوں میں ایندھن کی قیمتیں 82.63 ڈالر فی بیرل پر ٹریڈ کر رہی ہیں۔
یاد رہے کہ گذشتہ روز پاکستان میں پیٹرول کی قیمت میں فی لیٹر 13 روپے 55 پیسے اضافہ کیا گیا تھا جس کے بعد نئی قیمت 272 روپے 89 پیسے ہوگئی ہے۔