اداکار فیروز خان نے سابقہ اہلیہ علیزے سلطان کے خلاف عدالت میں نئی درخواست دائر کی ہے۔ تفصیلات کے مطابق کراچی کی فیملی کورٹ شرقی میں فیروز خان کی بچوں کے اخراجات اور حوالگی سے متعلق دائر کی گئی درخواست پر سماعت ہوئی۔ اس دوران اداکار کے وکیل نے علیزے سلطان کے خلاف نئی درخواست دائر کر دی۔ فیروز خان کے وکیل کی جانب سے دائر کی گئی نئی درخواست کے قابل سماعت ہونے پر عدالت نے دلائل طلب کرلیے۔ عدالت نے بچوں کی حوالگی سے متعلق فیروز خان کی درخواست کی سماعت کو 29 نومبر اور اخراجات سے متعلق علیزے سلطان کی درخواست کی سماعت کو 5 نومبر تک ملتوی کردیا۔