’سائفر جلایا نہیں ابھی چرایا ہے، وزارت خارجہ سے مل جائے گا ‘

راولپنڈی: سابق وزیر داخلہ اور عوامی مسلم لیگ کے سربراہ شیخ رشید کا کہنا ہے کہ سائفر جلایا نہیں ابھی چرایا ہے، وزارت خارجہ سے مل جائے گا . تفصیلات کے مطابق سماجی رابطے کی ویب سائٹ ٹوئٹر پر شیخ رشید نے لکھا کہ یہ سامراجی ایمبسڈروں کے گھر جاتے ہیں اور ان کے منہ میں کیک ڈالتے ہیں، نوازشریف ان ویٹنگ، مریم ڈار تو کلین چٹ ڈیل کا حصہ ہے، عمران خان کے خلاف سائفر کا حکومتی بیانیہ اس کےحق میں گیا ہے۔ معاشی اورسیاسی تباہی سےنجات صرف عمران خان کی کال ہے۔

سائیفر جلایا نہیں،ابھی چرایا ہے،جو وزارت خارجہ سےمل جائے گایہ سامراجی ایمبسڈروں کےگھر جاتےہیں اوران کےمنہ میں کیک ڈالتےہیں۔نوازشریف ان ویٹنگ،مریم ڈارکوکلین چٹ ڈیل کاحصہ ہے۔عمران خان کےخلاف سائیفرکاحکومتی بیانیہ اس کےحق میں گیاہے۔معاشی اورسیاسی تباہی سےنجات صرف عمران خان کی کال ہے

— Sheikh Rashid Ahmed (@ShkhRasheed) October 1, 2022

انہوں نے کہا کہ حکمرانوں کی الٹی گنتی شروع ہو گئی ہے، تعیناتی، تنزلی یا چھاؤنی ڈالنی ہے 15 نومبر تک فیصلے ہو جائیں گے، ابھی تو آڈیو ویڈیو سے بحران آیا ہے، عوام سڑکوں پر آئے تو بھونچال آئے گا۔

حکمرانوں کی الٹی گنتی شروع ہوگئی۔تعیناتی،تنزلی یا چھاؤنی ڈالنی ہے15نومبر تک فیصلےہوجائیں گے۔ابھی توآڈیو ویڈیو سےبحران آیا ہے،عوام سڑکوں پر آئےتوبھونچال آئےگا۔قوم نےفیصلہ کرناہے،سراٹھا کےجینا ہےیا سیاسی کیڑےمکوڑوں کی طرح جیناہے۔حکمران عوام کےگھیرے میں آگئےہیں،اب بھاگ نہیں سکیں گے

— Sheikh Rashid Ahmed (@ShkhRasheed) October 1, 2022

عوامی مسلم لیگ کے سربراہ شیخ رشید نے مزید لکھا کہ قوم نے فیصلہ کرنا ہے سر اٹھا کے جینا ہے یا سیاسی کیڑے مکوڑوں کی طرح جینا ہے، حکمران عوام کے گھیرے میں آ گئے ہیں اب بھاگ نہیں سکیں گے۔