ویب ڈیسک: نام نہاد "وشو گروبھارت" میں شہریوں کا استحصال معمول ، نااہل مودی حکومت خاموش تماشائی بن گئی۔ بی جے پی کی حکمرانی میں بڑھتے قتل، زیادتی، اغوا اور چوری بھارت میں سماجی بحران کا پیش خیمہ ہے۔
بھارتی نیشنل کرائم ریکارڈ بیورو کی حالیہ رپورٹ کے مطابق بھارت میں جرائم کی شرح میں 7.2فیصد اضافہ،62لاکھ سے زائد کیسز درج ہیں۔ بھارت میں سائبر کرائم کیسز کی تعداد 86 ہزار سے تجاوز کر گئی۔ ایک لاکھ 81ہزار سے زائد کیسز جعل سازی ، دھوکہ دہی ، فراڈ اور بلیک میلنگ سے متعلق ہیں ۔
رپورٹ کے مطابق بھارت میں اغوا کے7لاکھ 9ہزار880سے زائد کیسز سامنے آئے۔ شادی پر مجبور کرنے کیلئے نابالغ لڑکیوں کو اغوا کرنے کے 14,637 واقعات ہوئے۔ بھارت میں معاشی جرائم کے 2 لاکھ 4 ہزار 973 کیس درج ہوئے ۔ بھارت میں بچوں کے خلاف جرائم میں 9.2 فیصد اضافہ ہوا اور 1 لاکھ 77 ہزار سے زائد کیس درج ہوئے۔ بھارت میں40ہزار سے زائد بچے اور بچیاں جنسی زیادتی جیسے سنگین جرائم کا شکار بنے۔
اپوزیشن پارٹی کانگریس نے اس صورتحال کو "شرمناک" قرار دیا اور حکومت پر شدید تنقید کی ہے۔ کانگریس نے نیشنل کرائم ریکارڈ بیورو کی رپورٹ شیئر کرتے ہوئے لکھاکہ دن دیہاڑے قتل، گینگ وار ، ڈکیتی، اغوا اور تاوان کی مانگ ریاست کی پہچان بن گئی ۔ انتہا پسند مودی کی سرپرستی میں ریاستی ادارے مجرموں کی پشت پناہی کرنے میں مصروف ہیں۔ نااہل مودی کی ناقص حکمرانی اور اقدامات نے بھارتی عوام کی زندگیوں کو شدید خطرات سے دوچار کر دیا۔