عمران خان سے پارٹی رہنماؤں کی ملاقات نہ کروانے پرعدالت سے اہم خبرآگئی

عمران خان سے پارٹی رہنماؤں کی ملاقات نہ کروانے پرعدالت سے اہم خبرآگئی
کیپشن: عمران خان سے پارٹی رہنماؤں کی ملاقات نہ کروانے پرعدالت سے اہم خبرآگئی

ویب ڈیسک: بانی پی ٹی آئی عمران خان کی شیڈول کے مطابق جمعرات کو پارٹی رہنماؤں  سے ملاقات نہ کروانے کے خلاف درخواست پر اسلام آباد ہائی کورت نے فیصلہ محفوظ  کرلیا۔

تفصیلات کے مطابق جسٹس راجا انعام امین منہاس نے بانی پی ٹی آئی عمران خان کی درخواست پر سماعت کی، جس میں عمران خان کے وکیل فیصل چودھری عدالت میں پیش  ہوئے۔

دورانِ سماعت وکیل نے دلائل دیے کہ چیف جسٹس اور جسٹس سردار اعجاز اسحاق نے جیل ملاقات سے متعلق آرڈرز پاس کیے ہوئے ہیں۔سپرنٹنڈنٹ اڈیالہ جیل کو بھی نوٹس ہوا ہے، ان سے  جواب مانگا گیا ہے۔ بانی پی ٹی آئی عمران خان کی بشریٰ بی بی سے ملاقات کا بھی آرڈر موجود ہے۔ ہمارا اڈیالہ جیل حکام سے طے ہوا تھا کہ منگل کو فیملی، وکلا اور جمعرات کو دوستوں کی ملاقات ہوگی۔

جسٹس انعام امین منہاس نے ریمارکس دیئے کہ جو استدعا ہے اس میں ایک آرڈر ہے، رجسٹرار آفس کا اعتراض بھی ہے۔

وکیل نے بتایا کہ 6 فروری کا آرڈرہے اور یہ جو تمام آرڈرز ہیں ان عمل نہیں کیاجارہا۔ ایک درخواست کل چیف صاحب کے پاس لگی ہے، صبح سپرنٹنڈنٹ نے پیش ہونا ہے۔ اس درخواست کے ساتھ عدالت کے دونوں فیصلے منسلک ہیں، باقی آرڈرز ان سے متعلق نہیں ہیں۔ سپرنٹنڈنٹ کا اپنا بیان بھی موجود ہے، جس کی روشنی میں 8 نومبر کا آرڈر بھی ہے۔

جسٹس راجا انعام امین منہاس نے ریمارکس دیئے کہ چلیں دیکھ لیتے ہیں، میں اس درخواست پر باضابطہ آرڈر جاری کروں گا۔عدالت نے دلائل سننے کے بعد جیل ملاقات سے متعلق درخواست پر فیصلہ محفوظ کرلیا۔

Watch Live Public News