(ویب ڈیسک ) فیصل آباد میں پیزا خور ڈکیت گروہ ڈلیوری بوائے سے اسلحے کے زور پر 4 پیزا لوٹ کر فرار ہوگئے۔
پولیس کے مطابق رات گئے فون کال کے ذریعے کہکشاں کالونی کے پتے پر پیزا ڈلیور کرنے کا آرڈر دیا۔ڈلیوری بوائے پتے پر پہنچا تو موٹرسائیکل سوار 2 افراد نے اسلحہ کے زور پر 4 پیزا لوٹ لیے اور فرار ہو گئے۔
اس حوالے سے پولیس کا کہنا ہے کہ 2 نامعلوم ڈاکوؤں کے خلاف پیزا ڈکیتی کے الزام میں مقدمہ درج کر لیا ہے۔
خیال رہے کہ چند روز قبل بھی سفیان ٹاؤن میں 1800 روپے مالیت کی پیزا ڈکیتی کی واردات ہوئی تھی۔