(ویب ڈیسک ) پنجاب حکومت کی جانب سے خصوصی افراد کو میٹرو بس اور اورنج ٹرین میں سفر کی مفت سہولت فراہم کرنے کا اعلان کیا گیا ہے۔
میٹرو بس اتھارٹی انتظامیہ کا کہنا ہے کہ ہمت کارڈ رکھنے والے خصوصی افراد میٹرو بس سروس،میٹرو ٹرین اور اورنج لائن سے مفت مستفید ہوسکیں گے۔ ہمت کارڈ دکھا کر میٹرو بس ٹکٹ کاؤنٹر سے ٹکٹ بلامعاوضہ حاصل کیا جا سکے گا۔
انتظامیہ کے مطابق ہمت کارڈ رکھنے اور دکھانے والوں کو مکمل فری سفری سہولیات فراہم کررہے ہیں۔ خصوصی افراد کے لیے یہ سفری سہولت ہفتہ کے ساتوں روز موجود ہوگی۔