ویب ڈیسک: بالی ووڈ کے سینئر اداکار اور سیاستداں متھن چکرورتی کی پہلی بیوی ہلینا لیوک 68 برس کی عمر میں امریکا میں انتقال کر گئیں، ہلینا لیوک، بالی ووڈ سپر اسٹار امتیابھ بچن کی فلم مرد میں کام کی وجہ سے کافی معروف ہوئیں۔
قریب ذرائع کے مطابق وہ کافی عرصے سے بیمار تھیںمتھن اور ہلینا کی شادی 1979 میں ہوئی اور صرف چار ماہ بعد ہی ہلینا نے متھن چکرورتی کو طلاق دے دی تھی، متھن چکرورتی نے ہلینا سے طلاق کے بعد اداکارہ یوگیتا بالی سے شادی کی تھی۔
ہلینا نے ایک پرانے انٹرویو میں متھن سے اپنی شادی کے بارے میں انکشاف کرتے ہوئے کہا تھا کہ کاش میری ان سے شادی نہ ہوئی ہوتی، کیونکہ متھن نے ان سے شادی سے قبل ان کے ذہن میں یہ بٹھایا تھا کہ وہی ان کے لیے بہتر مرد ہیں اور میری بدقسمتی تھی کہ وہ میرے ذہن میں یہ بات راسخ کرنے میں کامیاب رہے تھے۔
ہلینا لیوک، بالی ووڈ سپر اسٹار امتیابھ بچن کی فلم مرد میں کام کی وجہ سے کافی معروف ہوئیں، اس فلم میں انھوں نے برطانوی ملکہ کا کردار ادا کیا تھا،اسکے علاوہ انھوں نے دو گلاب، آؤ پیار کریں اور بھائی آخر بھائی ہوتا ہے جیسی فلموں میں کام کیا۔
