ویب ڈیسک: فوربس نے دنیا کے 10 طاقتور ترین ممالک کی اپنی 2025 کی فہرست جاری کی ہے جس میں عالمی درجہ بندی میں امریکا سرفہرست ہے، اس کے بعد چین دوسرے اور اسرائیل دسویں نمبر پر ہے فہرست میں واحد اسلامی ملک سعودی عرب نویں نمبر پر براجمان ہے۔
تفصیلات کے مطابق درجہ بندی کئی اہم عوامل پر مبنی ہے جس میں قیادت، اقتصادی اثر و رسوخ، سیاسی طاقت، عظیم بین الاقوامی اتحاد اور فوجی طاقت شامل ہیں۔
فوربس کے مطابق، درجہ بندی کا یہ طریقہ بی اے وی گروپ کے محققین نے تیار کیا ہے جس کی قیادت یونیورسٹی آف پنسلوانیا کے وارٹن اسکول کے پروفیسر ڈیوڈ ریبسٹین کر رہے ہیں اور اس کا تعلق یو ایس نیوز اینڈ ورلڈ رپورٹ سے ہے۔
ذیل میں دنیا کے 10 طاقتور ترین ممالک کی فہرست جاری کی گئی ہے:
- امریکا 30.34 ٹریلین ڈالر کی جی ڈی پی اور 34.5 کروڑ کی آبادی کے ساتھ درجہ بندی میں پہلے نمبر پر ہے۔
- چین 19.53 ٹریلین ڈالر کی جی ڈی پی اور 1.419 بلین کی آبادی کے ساتھ دوسرا طاقتور ملک ہے۔
- 2.2 ٹریلین ڈالر کی جی ڈی پی اور 84 ملین کی آبادی کے ساتھ روس دنیا کے طاقتور ترین ممالک کی فہرست میں تیسرے نمبر پر ہے۔
- برطانیہ اس سال فہرست میں چوتھے نمبر پر ہے، جس کی جی ڈی پی 3.73 ٹریلین ڈالر اور آبادی 69 ملین ہے۔
- جرمنی اس فہرست میں پانچویں نمبر پر ہے۔ اس کی معیشت $4.92 ٹریلین ہے اور اس کی آبادی 8.54 کروڑ ہے۔
- اقتصادی طاقت، تکنیکی ترقی اور فوجی طاقت کے امتزاج کی وجہ سے جنوبی کوریا کو فہرست میں چھٹا نمبر دیا گیا ہے۔ اس کی جی ڈی پی $1.95 ٹریلین اور آبادی 5.17 کروڑ ہے۔
- فرانس 3.28 ٹریلین ڈالر کی جی ڈی پی اور 6.65 کروڑ کی آبادی کے ساتھ دنیا کا ساتواں طاقتور ملک ہے۔
- جاپان کو بھی اس فہرست میں شامل کیا گیا ہے۔ 4.39 ٹریلین ڈالر کی جی ڈی پی اور 12.37 ملین کی آبادی کے ساتھ اس سال آٹھویں نمبر پر ہے۔
- سعودی عرب 1.14 ٹریلین ڈالر کی جی ڈی پی اور 3.39 کروڑ کی آبادی کے ساتھ نویں نمبر پر ہے۔
- اسرائیل کو اس سال فہرست میں دسویں نمبر پر رکھا گیا ہے۔ اس کی جی ڈی پی $550.91 بلین اور آبادی 93.8 لاکھ ہے۔