(ویب ڈیسک) دنیا کے مایہ ناز فٹبالر اور النصر کے کپتان کرسٹیانو رونالڈو کی سعودی عرب سے گہری محبت اور عقیدت کے دلکش انداز کی ایک ویڈیو سوشل میڈیا پر تیزی سے وائرل ہو رہی ہے، جس میں وہ میچ سے قبل اور بعد میں سعودی قومی علامتوں کے ساتھ والہانہ وابستگی کا اظہار کرتے نظر آئے۔
اے ایف سی چیمپئنز لیگ ایلیٹ کے اہم مقابلے میں کرسٹیانو رونالڈو نے ازبکستان کے کلب نیفتچی فرغانہ کے خلاف شاندار کارکردگی دکھاتے ہوئے اپنی ٹیم النصر کو 1-3 سے شاندار فتح دلائی۔
اس میچ میں گول داغ کر 41 سالہ اسٹار فارورڈ نے اپنے پروفیشنل کیریئر کے مجموعی گولز کی تعداد 981 تک پہنچا دی ہے، اور وہ تاریخ میں 1,000 گولز کا سنگ میل عبور کرنے والے پہلے کھلاڑی بننے سے محض 19 گول کی دوری پر ہیں۔
میچ کے آغاز سے قبل رونالڈو نے اپنی جرسی پر بنی سعودی عرب کی قومی علامت (کھجور کے درخت اور دو تلواروں کے نشان) کو محبت سے چوما، جس نے سعودی عوام اور فٹبال شائقین کے دل جیت لیے۔
" أنا برتغالي، ولكنّي أنتمي للمملكة العربية السعودية " - كريستيانو رونالدو https://t.co/mWaLdfM0sE
— نادي النصر السعودي (@AlNassrFC) October 12, 2026
فتح کے بعد انہوں نے سعودی پرچم کے ڈیزائن والا اسکارف اپنے کندھوں پر سجایا اور اسٹیڈیم میں موجود النصر کے پُرجوش مداحوں کے ساتھ مل کر مشہور زمانہ ’وائکنگ کلاپ‘ (Viking Clap) تالیاں بجا کر جیت کا جشن منایا۔
" أنا برتغالي، ولكنّي أنتمي للمملكة العربية السعودية " - كريستيانو رونالدو https://t.co/mWaLdfM0sE
— نادي النصر السعودي (@AlNassrFC) October 12, 2026
النصر کلب نے اپنے آفیشل عربی سوشل میڈیا اکاؤنٹ پر رونالڈو کی تصاویر جاری کرتے ہوئے ان کا وہ تاریخی قول دہرایا: "میں پرتگالی ہوں، لیکن میرا تعلق مملکتِ سعودی عرب سے ہے۔"
یہ الفاظ رونالڈو نے جون 2025ء میں النصر کے ساتھ اپنے معاہدے میں توسیع کے موقع پر ادا کیے تھے، جس کی بازگشت حالیہ میچ کے بعد ایک بار پھر عالمی میڈیا اور سوشل میڈیا پر سنائی دے رہی ہے۔