(ویب ڈیسک ) ذرائع کے مطابق بجٹ پر کام کرنے والے ملازمین کو عید کی صرف 1 چھٹی ہوگی۔
بجٹ 2025-26 کیلئے وزارت خزانہ بجٹ ونگ کے ملازمین کی چھٹیاں منسوخ کردی گئیں۔ذرائع نے بتایا ہے کہ بجٹ پر کام کرنے والے ملازمین کو عید کی صرف 1 چھٹی ہوگی۔
ذرائع وزارت خزانہ کا کہنا ہے کہ وزارت خزانہ کے ملازمین 6 جون، 8 جون اور 9 جون کو کام کریں گے۔
ذرائع کے مطابق وزارت خزانہ کے بجٹ ونگ سے متعلقہ ملازمین صرف 7 جون کو چھٹی کریں گے، عید کی تعطیلات میں کام کرنے والے ملازمین کو اسپیشل الاؤنسز دئیے جائیں گے۔
ذرائع کا کہنا ہے کہ 9 جون کو قومی اقتصادی سروے سہہ پہر اڑھائی بجے پیش کئے جانے کا امکان ہے، بجٹ کی تاریخ کے حوالے سے ابھی تک کوئی تبدیلی کا امکان نہیں۔