ویب ڈیسک: خیبرپختونخوا کے پرائمری اساتذہ نے اسکول بند کردیئے، آل پرائمری ٹیچرز ایسوسی ایشن نے بھرپور احتجاج اور دھرنے کا اعلان کردیا۔
تفصیلات کے مطابق اس حوالے سے آل پرائمری ٹیچرز ایسوسی ایشن ایپٹا کے صدر عزیز اللہ کا کہنا ہے کہ آج سے صوبے بھر کے پرائمری اسکولوں میں تدریسی عمل بند کر دیا، صوبے بھر سے پرائمری اساتذہ 11 بجے کے بعد جناح پارک پہنچیں گے۔
صدر عزیز اللہ نے کہا کہ صوبے میں اس وقت 26 ہزار سے زائد پرائمری اسکولوں میں تعلیمی سرگرمیاں بند ہیں، ایک لاکھ سے زائد پرائمری اساتذہ احتجاج کے لیے پشاور پہنچیں گے۔
صدر ایپٹا نے مزید کہا کہ صوبائی حکومت نے کابینہ سے منظور شدہ اپ گریڈیشن کا فیصلے پر عمل نہیں کیا، تحریری اعلامیہ ملنے اور مطالبات منظوری تک احتجاج جاری رہے گا۔