(ویب ڈیسک ) ذرائع کے مطابق وزیر داخلہ محسن نقوی نے ملاقات میں امن و امان سمیت سیاسی صورتحال پر بریف کیا۔
ذرائع کا کہنا ہے کہ وزیر داخلہ محسن نقوی نے لاہور میں وزیر اعظم شہباز شریف سے اہم ملاقات کی، انہوں نے وزیراعظم کو افغانیوں کی اپنے ملک واپسی کے لئے جاری آپریشن بارے آگاہ کیا۔
ذرائع کے مطابق وزیراعظم اور وزیر داخلہ کے درمیان دریائے سندھ سے نکالی جانے والی نہروں پر عوامی ردعمل پر بھی بات چیت ہوئی۔
ذرائع نے بتایا ہے کہ وزیر داخلہ نے وزیراعظم کو بجلی کی قیمتیں کم کرنے پر بھی مبارکباد دی ۔محسن نقوی نے ملاقات میں امن و امان سمیت سیاسی صورتحال پر بریف کیا۔بلوچستان اور کے پی میں امن امان کے لئے اٹھائے گئے اقدامات پر تبادلہ خیال کیا گیا۔
ذرائع کے مطابق وزیر اعظم شہباز شریف نے کہا کہ ملک میں سیاسی استحکام اور امن امان کی صورتحال دن بدن ٹھیک ہو رہی ہے ۔