ویب ڈیسک: ماہرفلکیات جاوید اقبال کا کہنا ہے کہ پاکستان میں ذی الحج کے چاند کی پیدائش آج ہوگی۔
ماہر فلکیات کے مطابق ذی الحج کے چاند کی پیدائش آج شام 5 بج کر 40 منٹ پر ہوگی، ذی الحج کا چاند جمعہ 7 جون کو نظر آنے کا قوی امکان ہے ۔ کل چاند نظر آنے کی صورت میں عید الاضحیٰ پیر 17 جون کو ہوگی۔
جاوید اقبال کا کہنا ہے کہ کل غروب آفتاب 7 بج کر 20 منٹ پر ہوگا،غروب آفتاب کے وقت چاند کی عمر 26 گھنٹے 45 منٹ ہوگی، چاند نظر آنے کا دورانیہ غروب آفتاب کے بعد 40 سے 50 منٹ ہوگا۔
ماہر فلکیات کا مزید بتانا ہے کہ چاند دکھائی دینے کیلئے اسکی عمر 19 گھنٹے ہونا ضروری ہے۔