پبلک نیوز: صدر مملکت ڈاکٹر عارف علوی کو ازبکستان، کیوبا، ویتنام، بلغاریہ اور ارجنٹینا کے نامزد سفراء کی جانب سے اسناد پیش کی گئیں۔ نامزد سفراء کی ایوانِ صدر میں خصوصی تقریب اسناد کے بعد علیحدہ علیحدہ صدر مملکت سے مُلاقات ہوئی۔
صدر مملکت کا کہنا تھا کہ تجارت، معیشت، ثقافت اور دفاع کے شعبوں میں تمام دوست ممالک کے ساتھ تعاون بڑھانے کی ضرورت ہے۔ باہمی فوائد کے لئے سیاسی، معاشی اور ثقافتی سطح پر دوست ممالک کے ساتھ تعلقات بڑھانے کی ضرورت ہے۔ اُمید ہے کہ نامزد سفراء پاکستان کے ساتھ سیاسی، تجارتی اور ثقافتی تعلقات مزید مستحکم کرنے میں اپنا کردار ادا کریں گے۔
ا ن کا کہنا تھا کہ پاکستان دنیا کو درپیش مختلف چیلنجوں سے نمٹنے کے لئے دوست ممالک کے ساتھ مل کر کام کرنے کا خواہاں ہے۔ پاکستانی معیشت کورونا کے باوجود بہتر کارکردگی کا مظاہرہ کررہی ہے۔ پاکستان میں سرمایہ کاری کے خاطر خواہ مواقع موجود ہیں۔ دنیا پاکستانی معیشت کے مختلف شعبوں میں سرمایہ کاری کرکے کاروبار دوست ماحول سے فائدہ اٹھائے۔
Ambassador-designates of Uzbekistan, Cuba, Vietnam, Bulgaria, & Argentina to Pakistan presented their credentials to President Dr. Arif Alvi at Aiwan-e-Sadr.
— The President of Pakistan (@PresOfPakistan) June 7, 2021
The President expressed hope that they would play their role in further strengthening relations with Pakistan. pic.twitter.com/lSajbxdV2s
انہوں نے مزید کہا کہ پاکستان جغرافیائی سیاست کی بجائے جغرافیائی اقتصادیات پر توجہ مرکوز کر رہا ہے۔ پاکستان علاقائی روابط اور معاشی انضمام پر توجہ مرکوز کررہا ہے۔ عالمی برادری مقبوضہ جموں و کشمیر میں بھارت کو انسانی حقوق کی پامالیوں سے روکنے کے لئے فعال کردار ادا کرے۔ عالمی برادری بھارت پر اقوام متحدہ کی سلامتی کونسل کی قراردادوں کے مطابق کشمیر کے عوام کو حق خودارادیت دینے کیلئے دباؤ ڈالے۔